ଶ୍ରୀନଗର,୪ ।୭: ଜମ୍ମୁ ବିମାନ ବନ୍ଦରର ଟେକ୍ନିକାଲ ଏରିଆରେ ଡ୍ରୋନରେ ଆକ୍ରମଣ କରାଯିବା ପରେ ଏବେ ପ୍ରଶାସନ ଏହାର ବ୍ୟବହାରକୁ ନେଇ କଡା ନିର୍ଦ୍ଦେଶ ଜାରି କରିଛି । ଶ୍ରୀନଗର ଜିଲା ଅଧିକାରୀ ମହମ୍ମଦ ଏଜାଜ ଏହାକୁ ନେଇ ଏକ ନିର୍ଦ୍ଦେଶ ଜାରି କରିଛନ୍ତି । ଯେଉଁମାନଙ୍କ ପାଖରେ ପୂର୍ବରୁ ଡ୍ରୋନ୍ କ୍ୟାମେରା ବା ମାନବ ବିହିନ କୌଣସି ପ୍ରକାର ଆକାଶ ମାର୍ଗରେ ଉଡୁଥିବା ବାହାନ ରହିଛି ସେମାନଙ୍କୁ ଏହାର ସୂଚନା ପୋଲିସକୁ ଦେବାକୁ ପଡିବ । ସୂଚନାଯୋଗ୍ୟ, ଏହା ପୂର୍ବରୁ କଠୁୱା ଜିଲାରେ ବିବାହ ଉତ୍ସବରେ ବା ଅନ୍ୟ କୌଣସି କାର୍ଯ୍ୟକ୍ରମରେ ଡ୍ରୋନ୍ ବ୍ୟବହାର ପାଇଁ ପଞ୍ଜିକାରଣ ବାଧ୍ୟାମୂଳକ କରାଯାଇଛି । ଜିଲାପାଳ ୧୪୪ ଧାରା ଲାଗୁକରି ଡ୍ରୋନ୍ ବା ଅନ୍ୟ ଉଡନ୍ତା ଖେଳନା ବ୍ୟବହାର ଉପରେ ପ୍ରତିବନ୍ଧକ ଲଗାଇଥିଲେ ।
