ନୂଆଦିଲ୍ଲୀ,୧୯ ।୧୦: ଜମ୍ମୁ-କଶ୍ମୀରରେ ୫ ଅକ୍ଟୋବରକୁ ହୋଇଥିବା ୨ ଜଣ ସାଧାରଣ ନାଗରିକଙ୍କ ହତ୍ୟାକାଣ୍ଡର ଯାଞ୍ଚ ରାଷ୍ଟ୍ରୀୟ ଯାଞ୍ଚ ଏଜେନ୍ସି କରିବ ବୋଲି ଜଣାପଡିଛି । ଲାଲ ବଜାରର କେମିଷ୍ଟ ମାଖନ ଲାଲ ବିନ୍ଦରୁ କଶ୍ମୀର ପଣ୍ଡିତ ଓ ପାନିପୁରୀ ବା ଗୁପଚୁପ ବ୍ୟବସାୟୀ ବିହାର ବାସିନ୍ଦା ବିରେନ୍ଦ୍ର ପାଶୱାନଙ୍କ ହତ୍ୟାର ଯାଞ୍ଚ ଏନ୍ଆଇଏ କରିବ ବୋଲି କୁହାଯାଉଛି । ହେଲେ ଏ ସମ୍ପର୍କରେ ସଠିକ୍ ତଥ୍ୟ ଏପର୍ଯ୍ୟନ୍ତ ହସ୍ତଗତ ହୋଇନାହିଁ । ଏଥିରୁ ଅନୁମାନ କରାଯାଉଛି କି ଜମ୍ମୁ-କଶ୍ମୀରରେ ବଢି ଚାଲିଥିବା ଆତଙ୍କବାଦୀ ଘଟଣାକୁ ଦେଖି ସରକାର ଆକ୍ସନ ମୋଡରେ ଅଛନ୍ତି । ଜମ୍ମୁ-କଶ୍ମୀର ପୋଲିସ ଡିଜି ଓ ଏନ୍ଆଇଏ ଡିଜିଙ୍କ ମଧ୍ୟରେ କେତେଥର ଏହାକୁ ନେଇ ବୈଠକ ହୋଇ ସାରିଲାଣି ।
