ଜମ୍ମୁ,୭ ।୬: ଜମ୍ମୁ-କଶ୍ମୀରରେ ସୁରକ୍ଷାକର୍ମୀଙ୍କୁ ବଡ ସଫଳତା ମିଳିଛି । ବାରାମୁଳା ଜିଲାର ସୋପୋରରେ ସୁରକ୍ଷାକର୍ମୀଙ୍କ ଗୁଳିରେ ଜଣେ ଆତଙ୍କବାଦୀ ନିହତ ହୋଇଛନ୍ତି । ଆଇଜିପି କଶ୍ମୀର ବିଜୟ କୁମାର କହିଛନ୍ତି, ନିହତ ହୋଇଥିବା ଲସ୍କର-ଇ-ତୋଏବାର ଆତଙ୍କବାଦୀଙ୍କ ନିକଟରୁ ଯେଉଁ ଡକ୍ୟୁମେଣ୍ଟ ଜବତ କରାଯାଇଛି ସେଥିରୁ ଜଣାପଡିଛି କି ସେ ଲାହୋରର ହନଜଲାର ବାସନ୍ଦା । ସେ କହିଛନ୍ତି ନିହତ ଆତଙ୍କବଦୀଙ୍କ ନିକଟରୁ ଏକେ ୪୭, ୫ ମାଗାଜିନ ଓ ଗୋଳାବାରୁଦ ଜବତ କରାଯାଇଛି । ତେବେ ସୁରକ୍ଷାକର୍ମୀଙ୍କ ସହ ମୁହାଁମୁହିଁ ହେବା ସମୟରେ ଜଣେ ଆତଙ୍କବାଦୀ ଖସି ଯିବାରେ ସକ୍ଷମ ହୋଇଛନ୍ତି । ତେଣୁ ଏବେବି ସର୍ଚ୍ଚ ଅପରେଶନ ଜାରି ରହିଛି ।
ପୋଲିସ ଅଧିକାରୀ କହିଛନ୍ତି, ସୋପୋରର ଜାଲୁଅ ଅଞ୍ଚଳରେ ପାନିପୋରା ଜଙ୍ଗଲରେ ଆତଙ୍କବାଦୀମାନେ ଲଚି ରହିଥିବା ଖବର ମିଳିବା ପରେ ଉକ୍ତ ଅଞ୍ଚଳକୁ ଘେଣାବନ୍ଦି କରି ସେଠାରେ ସର୍ଚ୍ଚ ଅପରେଶନ ଆରମ୍ଭ କରାଯାଇଥିଲା । ଘଟଣାସ୍ଥଳରେ ଥିବା ଆତଙ୍କବାଦୀ ସୁରକ୍ଷାକର୍ମୀଙ୍କ ଉପରକୁ ଗୁଳି ଚଳାଇବାରୁ ସୁରକ୍ଷାକର୍ମୀ ଏହାର କଡା ଜବାବ ଦେଇଥିଲେ ।
