ଶ୍ରୀନଗର,୧୭।୧୧: ଜମ୍ମୁ-କଶ୍ମୀରରେ ଆଜିଠୁ ନାଇଟ୍ କର୍ଫ୍ୟୁ ଲାଗୁ ହେବ। ତେବେ କରୋନା ସଂକ୍ରମଣ ବଢୁଥିବାରୁ କର୍ଫ୍ୟୁ ଲାଗୁ କରିବା ପାଇଁ ପ୍ରଶାସନ ନିଷ୍ପତ୍ତି ନେଇଛି। ରାତି ୧୦ଟାରୁ ସକାଳ ୬ଟା ଯାଏ କର୍ଫ୍ୟୁ ବଳବତ୍ତର ରହିବ। ଜମ୍ମୁ, ଉଧମପୁର, କାଠୁଆ, ଶ୍ରୀନଗର, ବାରମୁଲା, ବଡଗାମ, ଅନନ୍ତନାଗ ଏବଂ କୁପୱାଡା ଆଦି ଜିଲାଗୁଡିକରେ କର୍ଫ୍ୟୁ କଡ଼ାକଡ଼ି ପାଳନ କରାଯିବ ।
ଗତ କିଛି ଦିନ ହେଲା ଜମ୍ମୁରେ କରୋନାସଂକ୍ରମଣ ବଢିଛି । ପଜିଟିଭ୍ ରେଟ୍ ୦.୨ ପ୍ରତିଶତ ବୃଦ୍ଧି ପାଇଛି । ତେଣୁ ସଂକ୍ରମଣ ରୋକିବାକୁ କର୍ଫ୍ୟୁ ଲାଗୁ କରାଯିବା ପାଇଁ ନିଷ୍ପତ୍ତି ନିଆଯାଇଥିବା ଜମ୍ମୁ ଜିଲାପାଳ ଅନସୁଲ ଗର୍ଗ କହିଛନ୍ତି । ପୂର୍ବରୁ ଗତ ଏପ୍ରିଲ ଓ ସେପ୍ଟେମ୍ବର ମାସରେ ଜମ୍ମୁ- କଶ୍ମୀରରେ ନାଇଟ କର୍ଫ୍ୟୁ ଜାରି ହୋଇଥିଲା ।
