ନୂଆଦିଲ୍ଲୀ,୧୭।୮: ବଦଳୁଥିବା ସମୟ ଅନୁଯାୟୀ ଭାରତୀର ରେଲଓ୍ବେ ଏବେ ତା’ର ଯାତ୍ରୀଙ୍କୁ ଅଧିକରୁ ଅଧିକ ସୁବିଧା ଯୋଗାଇ ଦେବାକୁ ପ୍ରୟାସ ଜାରି ରଖିଛି। ଯଦି ରେଲଓ୍ବେ ଷ୍ଟେଶନରେ ଜଣେ ଯାତ୍ରୀଙ୍କ ସ୍ବାସ୍ଥ୍ୟ ଅବସ୍ଥା ଖରାପ ହୁଏ, ତେବେ ତାଙ୍କୁ ଅନେକ ଅସୁବିଧାର ସମ୍ମୁଖୀନ ହେବାକୁ ପଡିବ ନାହିଁ। ଏଭଳି ପରିସ୍ଥିତିରେ ରେଳ ମନ୍ତ୍ରଣାଳୟ ଷ୍ଟେଶନରେ ପ୍ରଧାନମନ୍ତ୍ରି ଜନ ଭାରତୀୟ ଔଷଧି କେନ୍ଦ୍ର (PMBJKs) ଖୋଲିବାକୁ ନିଷ୍ପତ୍ତି ନେଇଛି ଯାହା ଦ୍ୱାରା ଯାତ୍ରୀମାନେ ସହଜରେ ଶସ୍ତା ଔଷଧ ପାଇପାରିବେ। ଏହା ମାଧ୍ୟମରେ କୋଟି କୋଟି ରେଳ ଯାତ୍ରୀ ଜରୁରୀକାଳୀନ ପରିସ୍ଥିତିରେ ରେଳ ଷ୍ଟେଶନରେ ଶସ୍ତା ଔଷଧ ପାଇବେ।
ଅନେକ ଥର ଟ୍ରେନରେ ଯାତ୍ରା କରିବା ସମୟରେ ଯାତ୍ରୀଙ୍କ ସ୍ବାସ୍ଥ୍ୟ ଖରାପ ହୋଇଯାଏ କିମ୍ବା ସେମାନେ ଘରେ ଔଷଧ ଭୁଲିଯାଆନ୍ତି। ଏଭଳି ଜରୁରୀକାଳୀନ ପରିସ୍ଥିତିରେ ସେ ନିଜେ ରେଳ ଷ୍ଟେଶନରେ ଅବସ୍ଥିତ ଜନ ଔଷଧି କେନ୍ଦ୍ରରୁ ଶସ୍ତା ଦରରେ ଔଷଧ କିଣି ପାରିବେ। ଏହା ସହିତ ଯାତ୍ରୀମାନଙ୍କ ସୁବିଧା ସହିତ ନୂତନ ନିଯୁକ୍ତି ସୁଯୋଗ ସୃଷ୍ଟି ହେବ। ରେଳ ଷ୍ଟେଶନରେ ପ୍ରଧାନମନ୍ତ୍ରି ଜନ ଔଷଧି କେନ୍ଦ୍ର ଚଳାଇବା ପାଇଁ ଲୋକଙ୍କୁ ଲାଇସେନ୍ସ ନେବାକୁ ପଡିବ। ଏଥିପାଇଁ ଏକ ଇ-ନିଲାମର ଆୟୋଜନ କରାଯିବ ଯାହା ଦ୍ୱାରା ଲୋକମାନେ ଷ୍ଟେଶନରେ ଏହି କେନ୍ଦ୍ର ଚଳାଇବାକୁ ଅନୁମତି ପାଇବେ। ଏହି କେନ୍ଦ୍ରଗୁଡିକର ଇ-ନିଲାମ ପ୍ରକ୍ରିୟା NID ଅହମ୍ମଦାବାଦ ଦ୍ୱାରା ଡିଜାଇନ କରାଯାଇଛି।
