ମୁମ୍ବାଇ: ଜାହ୍ନବୀ କପୁର । ବଲିଉଡର ନବାଗତା ନାୟିକା । ହେଲେ ତାଙ୍କର ରହିଛନ୍ତି ହଜାର ହଜାର ପ୍ରଶଂସକ । ସୋସିଆଲ ମିଡିଆରେ ଖୁବ୍ ଆକ୍ଟିଭ ଜାହ୍ନବୀ । ଅଧିକାଂଶ ସମୟରେ ସେ ତାଙ୍କର କିଛି ଫଟୋ ଓ ଭିଡିଓ ପ୍ରଶଂସକଙ୍କ ଉଦ୍ଦେଶ୍ୟରେ ଶେୟାର କରି ବାଃ ବାଃ ସାଉଁଟି ଥାଆନ୍ତି । ନିକଟରେ ସେ ତାଙ୍କ ଫଟୋ ଶୁଟର ଏକ ଭିଡିଓ ସୋସିଆଲ ମିଡିଆରେ ଶେୟାର କରି ସମସ୍ତଙ୍କ ଦୃଷ୍ଟି ଆକର୍ଷଣ କରିଛନ୍ତି । ବ୍ଲାକ କଲର ଡ୍ରେସ ସାଙ୍ଗକୁ ତାଙ୍କର ପୋଜ୍ ଓ ରିଆକ୍ସନ ଦେଖେଣାହାରୀର ମନ ଜିତୁଛି । ଖୁବ୍ କମ୍ ବୟସରୁ ବଲିଉଡ୍ରେ ଏଣ୍ଟ୍ରି କରିଥିବା ଜାହ୍ନବୀ ଏବେ ଯେମିତି ଜଣେ ପୋଖତ କଳାକାର ଭଳି ଲାଗୁଛନ୍ତି । ବଲିଉଡ୍ ନାୟିକା ଶ୍ରୀଦେବୀଙ୍କ ଏହି ଲଳନା ଅଧିକାଂଶଙ୍କର ଦିଲ୍ କି ଧଡକନ ବି ପାଲଟି ଗଲେଣି । ‘ଧଡକ’ ଫିଲ୍ମରୁ ବଲିଉଡ୍ରେ ନିଜର କ୍ୟାରିୟର ଆରମ୍ଭ କରିଥିବା ଜାହ୍ନବୀଙ୍କ ହାତରେ ଏବେ ଅଫରର ଲମ୍ବା ଲାଇନ୍ ଲାଗିଛି ।
