ମୁମ୍ବାଇ: ବଲିଉଡ୍ ଅଭିନେତ୍ରୀ ଜାହ୍ନବୀ କପୁର ତାଙ୍କ ଏକାଧିକ ପ୍ରୋଜେକ୍ଟ ନେଇ ବ୍ୟସ୍ତ ଅଛନ୍ତି। ଏହା ମଧ୍ୟରେ ସେ ଅନ୍ୟ ଏକ ଦୁନିଆରେ ପାଦ ଦେବାକୁ ଯାଉଛନ୍ତି। ସେ ତାଙ୍କ ଆଗାମୀ ଫିଲ୍ମ ପାଇଁ ଟଲିଉଡ୍ରେ ଡେବ୍ୟୁ କରୁଛନ୍ତି। ଏଥିରେ ସେ ସାଉଥ୍ ସୁପରଷ୍ଟାର ଜୁନିୟର ଏନ୍ଟିଆର୍ଙ୍କ ସହ ନଜର ଆସିବେ। ଫିଲ୍ମର ଟାଇଟେଲ୍ ରହିଛି ‘ଏନ୍ଟିଆର୍ ୩୦’ ଯାହାର ନିର୍ଦ୍ଦେଶନା ଦେଉଛନ୍ତି କୋରତାଲା ଶିବା। ଖୁବ୍ଶୀଘ୍ର ଏହି ଫିଲ୍ମର ଶୁଟିଂ ଆରମ୍ଭ ହେବ ବୋଲି ନିର୍ଦ୍ଦେଶକ ସୂଚନା ଦେଇଛନ୍ତି। ଫିଲ୍ମ ‘ଆର୍ଆର୍ଆର୍’ ପରେ ଏହି ସିନେମା ଜୁନିୟର ଏନ୍ଟିଆର୍ଙ୍କ ପାଇଁ ବିଗ୍ ବଜେଟ୍ର ମୁଭି। ଏଥିପାଇଁ ଜାହ୍ନବୀ ସାଇନ୍ କରିଥିବାବେଳେ ଟିମ୍ ସହ ଫଟୋଶୁଟ୍ରେ ସାମିଲ ହେବେ ବୋଲି ଜଣାପଡ଼ିଛି। ଏହା ପୂର୍ବରୁ ଜାହ୍ନବୀ ମାଲାୟଲମ୍ ଥ୍ରିଲର ଫିଲ୍ମ ‘ହେଲେନ୍’ର ରିମେକ୍ ଫିଲ୍ମ ‘ମିଲି’ରେ ନଜର ଆସିଥିଲେ। ଏଥିସହ ଚଳିତ ବର୍ଷ ଅଗଷ୍ଟ ୩ରେ ରିଲିଜ୍ ହେବାକୁ ଥିବା ତେଲୁଗୁ ଫିଲ୍ମ ‘ଜନ ଗଣ ମନ’ରେ ନଜରକୁ ଆସିବେ। ଆଉ ମଧ୍ୟ ବରୁଣ ଧାୱନ୍ଙ୍କ ସହ ‘ବୱାଲ୍’ ଏବଂ ସ୍ପୋଟର୍ସ ଡ୍ରାମା ଫିଲ୍ମ ‘ମିଷ୍ଟର୍ ଆଣ୍ଡ ମିସେସ୍ ମାହି’ରେ ନଜରକୁ ଆସିବେ।