ଟୋକିଓ,୧।୮: ଦୁନିଆର ଅଧିକାଂଶ ସ୍ଥାନରେ ପ୍ରବଳ ବର୍ଷା ବିପର୍ଯ୍ୟୟର କାରଣ ପାଲଟିଥିବା ବେଳେ କେତେକ ସ୍ଥାନରେ ଅତ୍ୟଧିକ ଉତ୍ତାପ ଯୋଗୁ ଲୋକଙ୍କର ଜୀବନ ଯାଉଛି। ଏହି କ୍ରମରେ ଦକ୍ଷିଣ କୋରିଆ ଏବଂ ଜାପାନରେ ଗ୍ରୀଷ୍ମପ୍ରବାହ ଜାରି ରହିଛି। ଦକ୍ଷିଣ କୋରିଆରେ ଉତ୍ତାପ ଯୋଗୁ ୧୨ ଜଣଙ୍କର ମୃତ୍ୟୁ ହୋଇଥିବାବେଳେ ଜାପାନର ସ୍କୁଲରୁ ଫେରୁଥିବା ସମୟରେ ଜଣେ ୧୩ ବର୍ଷର ପିଲାର ମୃତ୍ୟୁ ହୋଇଛି।
ଦକ୍ଷିଣ କୋରିଆର ୟୋନହାପ ନ୍ୟୁଜ ଏଜେନ୍ସି ରିପୋର୍ଟ କରିଛି ଯେ, ଉତ୍ତାପ ଯୋଗୁ ଏହି ସପ୍ତାହରେ ମୃତ୍ୟୁବରଣ କରିଥିବା ଲୋକଙ୍କ ମଧ୍ୟରେ ୫ ଜଣ କୃଷକ ଅଛନ୍ତି। ଯାହାଙ୍କ ବୟସ ୭୦ ବର୍ଷରୁ ଅଧିକ। ଏହାପୂର୍ବରୁ ଉତ୍ତାପ ତରଫରୁ ୭ ଜଣଙ୍କର ମୃତ୍ୟୁ ହୋଇସାରିଛି। ମଙ୍ଗଳବାର ଦେଶର ଅଧିକାଂଶ ସ୍ଥାନରେ ହିଟ୍ୱେଭ ଚେତାବନୀ ଦିଆଯାଇଛି। ରିପୋର୍ଟ ଅନୁଯାୟୀ, ଜୁଲାଇ ମାସରେ ତାପମାତ୍ରା ୪୦ ଡିଗ୍ରୀ ଛୁଇଁଥିବାରୁ ଲୋକମାନେ ବହୁତ ଚିନ୍ତିତ ଥିଲେ।