ଟୋକିଓ,୨୫।୪: ଜାପାନରେ ଶାସକ ଲିବରାଲ ଡେମୋକ୍ରାଟିକ ପାର୍ଟି(ଏଲଡିପି)ରେ ସଂସଦର ନିମ୍ନ ଗୃହ ଡାଏଟକୁ ମଧ୍ୟବର୍ତ୍ତିକାଳୀନ ନିର୍ବାଚନକୁ ନେଇ ବିଚାର ଆରମ୍ଭ ହୋଇଛି। ରବିବାର ଦେଶରେ ଆସିଥିବା ୫ଟି ଉପନିର୍ବାଚନ ଫଳାଫଳରେ ଦଳ ଏକ ବଡ ସଫଳତା ପାଇବା ପରେ ଦଳର ନେତୃତ୍ୱ ତୁରନ୍ତ ନିର୍ବାଚନ କରିବାକୁ ଚିନ୍ତା କରିଛନ୍ତି। ରବିବାର ଆସିଥିବା ୫ଟି ଉପନିର୍ବାଚନ ଫଳାଫଳରେ ଏଲଡିପି ୪ଟିରେ ବିଜୟୀ ହୋଇଛି।
ଜାପାନ ମିଡିଆରେ ଚର୍ଚ୍ଚା ହେଉଛି କି ଚଳିତ ବର୍ଷ ମେ’ରେ ଜି-୨୦ ଶିଖର ସମ୍ମିଳନୀର ଆୟୋଜନ ପରେ ପ୍ରଧାନମନ୍ତ୍ରୀ ଫୁମିୟୋ କିଶିଦା ଡିଏଟ ଭଙ୍ଗ କରିବାକୁ ସୁପାରିଶ କରିପାରନ୍ତି। ଜି-୨୦ ଦେଶର ଶିଖର ସମ୍ମିଳନି ଜାପାନର ହିରୋସିମାରେ ହେବାକୁ ଯାଉଛି। ଏବେ ଡିଏଟର ଅଧିବେଶନ ଚାଲୁ ରହିଛି, ଯାହା ୨୧ ଜୁନ ପର୍ଯ୍ୟନ୍ତ ଚାଲିବ। ହେଲେ ପର୍ଯ୍ୟବେକ୍ଷକଙ୍କ ସୂଚନା ଅନୁଯାୟୀ, ଏହି ଅଧିବେଶନ ସମୟରେ ସଂସଦ ଭାଙ୍ଗିବାର ଯଥେଷ୍ଟ ସମ୍ଭାବନା ରହିଛି।
