ଟୋକିଓ,୨ ।୧୧: ଜାପାନର ପୂର୍ବତନ ସମ୍ରାଟ ଅକିହିତୋଙ୍କ ନାତୁଣୀ ତଥା ଜାପାନ ରାଜକୁମାରୀ ମାକୋ ନିକଟରେ ରାଜପରିବାର ତ୍ୟାଗ କରି ନିଜ ପୁରୁଷ ବନ୍ଧୁ କେଇ କୋମୁରୋଙ୍କୁ ବିବାହ କରିଥିଲେ । ଏହି ବିବାହକୁ ନେଇ ଚର୍ଚ୍ଚା ବି ଯୋର ଧରିଥିଲା । ହେଲେ ଏବେ ଜଣାପଡିଛି କି ରାଜକୁମାରୀଙ୍କ ପତି କେଇ କୋମୁରୋ ନ୍ୟୁୟର୍କ ଷ୍ଟେଟ ବାର୍ ଏକ୍ଜାମରେ ଫେଲ ହୋଇ ଯାଇଛନ୍ତି । ଡେଲି ମେଲର ଏକ ରିପୋର୍ଟ ଅନୁଯାୟୀ, ରାଜକୁମାରୀଙ୍କ ପତି ଚଳିତ ବର୍ଷ ଗ୍ରୀଷ୍ମ ସମୟରେ ଅନୁଷ୍ଠିତ ହୋଇଥିବା ନ୍ୟୁୟର୍କ ଷ୍ଟେଟ ବାର୍ ଏକ୍ଜାମ ଦେଇଥିଲେ । ଏହାର ଫଳାଫଳ ଶୁକ୍ରବାର ନ୍ୟୁୟର୍କ ଷ୍ଟେଟ ବୋର୍ଡ ଅଫ୍ ଲ ଏକଗଜାମିନର୍ସର ୱେସାଇଟରେ ପୋଷ୍ଟ କରାଯାଇଛି । ହେଲେ ସଫଳ ହୋଇଥିବା ପ୍ରାର୍ଥୀଙ୍କ ତାଲିକାରେ ରାଜକୁମାରୀଙ୍କ ପତିଙ୍କ ନାମ ନାହିଁ । ଏହାକୁ ନେଇ କୋମୁରୋ କହିଛନ୍ତି ସେ ପାଠପଢା ଜାରି ରଖିବେ । ଆସନ୍ତା ଫେବୃୟାରୀରେ ପୁଣିଥରେ ପରୀକ୍ଷା ଦେବେ । ରାଜକୁମାରୀ ମଧ୍ୟ ତାଙ୍କୁ ପାଠପଢାରେ ସହଯାଗ କରିବେ ବୋଲି କହିଛନ୍ତି ।