ମୁମ୍ବାଇ,୧।୩: ଆସନ୍ତା ୨୬ ତାରିଖରୁ ହେବାକୁ ଯାଉଥିବା ଆଇପିଏଲରୁ ଓହରି ଯାଇଛନ୍ତି ଇଂଲଣ୍ଡ ଓପନର ଜାସନ ରୟ। ପ୍ରାୟ ୨ ମାସ ଧରି ଟୁର୍ନାମେଣ୍ଟ ବବଲରେ ରହିବାକୁ ଚ୍ୟାଲେଞ୍ଜିଂ ମନେ କରି ସେ ଏଭଳି ନିଷ୍ପତ୍ତି ନେଇଛନ୍ତି। ତାଙ୍କୁ ମେଗା ଅକ୍ଶନରେ ୨ କୋଟି ଟଙ୍କାରେ କିଣିଥିଲା ଗୁଜରାଟ ଟାଇଟନ୍ସ। ତାଙ୍କ ନିଷ୍ପତ୍ତି ସମ୍ପର୍କରେ ଫ୍ରାଞ୍ଚାଇଜକୁ ଗତ ସପ୍ତାହରେ ଜଣାଇଥିଲେ। ତେବେ ଟାଇଟନ୍ସ ପକ୍ଷରୁ ରୟଙ୍କ ବଦଳ ଖେଳାଳି ଚୂଡ଼ାନ୍ତ କରାଯାଇ ନାହିଁ।
୩୧ ବର୍ଷୀୟ ରୟ ଦ୍ୱିତୀୟ ଥର ପାଇଁ ଅକ୍ଶନରେ କିଣାଯିବା ପରେ ଲିଗ୍ରୁ ଓହରି ଯାଇଛନ୍ତି। ତାଙ୍କୁ ୨୦୨୦ରେ ଦିଲ୍ଲୀ କ୍ୟାପିଟାଲ୍ସ ତାଙ୍କ ବେସ ପ୍ରାଇସ୍ ୧.୫ କୋଟି ଟଙ୍କାରେ କିଣିଥିଲା। କିନ୍ତୁ ସେ ବ୍ୟକ୍ତିଗତ କାରଣ ଦର୍ଶାଇ ଓହରି ଯାଇଥିଲେ।