ଆଡିଲେଡ୍,୧୮।୧୨: ଭାରତ ଏବଂ ଅଷ୍ଟ୍ରେଲିଆ ମଧ୍ୟରେ ଚାରି ମ୍ୟାଚ ବିଶିଷ୍ଟ ବର୍ଡର-ଗାଭାସ୍କର ଟ୍ରଫି ଆରମ୍ଭ ହୋଇଛି। ସିରିଜର ପ୍ରଥମ ଟେଷ୍ଟ ମ୍ୟାଚ ଆଡିଲେଡରେ ଖେଳାଯାଉଛି। ଟସ ଜିତିବା ପରେ ଟିମ ଇଣ୍ଡିଆ ପ୍ରଥମ ଇନିଂସରେ ୨୪୪ ରନ୍ରେ ଅଲଆଉଟ୍ ହୋଇଯାଇଛି। ଭାରତ ଅଲଆଉଟ୍ ହେବା ପରେ ଅଷ୍ଟ୍ରେଲିଆ ବ୍ୟାଟିଂ କରିବାକୁ ଆସିଥିଲା। ଘରୋଇ ଦଳକୁ ମଧ୍ୟ ପ୍ରାରମ୍ଭିକ ଝଟ୍କା ଲାଗିଛି। ଭାରତୀୟ ବୋଲର ଜଶପ୍ରୀତ ବୁମ୍ରା ଦଳକୁ ପ୍ରଥମ ସଫଳତା ଦେଇଥିଲେ। ୧୬ ରନ୍ରେ ଅଷ୍ଟ୍ରେଲିଆର ପ୍ରଥମ ଉଇକେଟ ପଡିଥିଲା। ମାଥ୍ୟୁ ଓ୍ବେଡ୍ ୮ ରନ୍ କରି ବୁମ୍ରାଙ୍କ ଶିକାର ହୋଇଥିଲେ। ସେହିପରି ଜୋ ବର୍ଣ୍ଣସ ମଧ୍ୟ ବୁମ୍ରାଙ୍କ ଶିକାର ହୋଇଥିଲେ। ମଧ୍ୟାହ୍ନ ଭୋଜନ ବେଳକୁ ଅଷ୍ଟ୍ରେଲିଆ ୨ ଉଇକେଟ୍ ହରାଇ ୩୫ରନ୍ କରିଛି। ଦ୍ୱିତୀୟ ଦିନ ମାତ୍ର ୧୧ରନ୍ ଯୋଡିି ଭାରତୀୟ ଦଳ ୨୪୪ ରନ୍ରେ ଅଲଆଉଟ୍ ହୋଇଯାଇଥିଲା। ଭାରତ ପକ୍ଷରୁ ଅଧିନାୟକ ବିରାଟ କୋହଲି ସର୍ବାଧିକ ୭୪ ରନ୍ର ପାଳି ଖେଳିଥିଲେ। ସେହିପରି ରାହାଣେ ୪୨, ଚେତେଶ୍ୱର ପୂଜାରା ୪୩ ରନ୍ କରିଥିଲେ। ଅଷ୍ଟ୍ରେଲିଆ ପକ୍ଷରୁ ମିଚେଲ ଷ୍ଟାର୍କ ୪ ଉଇକେଟ ଏବଂ କୁମିନ୍ସ ୩ଟି ଉଇକେଟ୍ ନେଇଥିଲେ।
