ଭାରତୀୟ ଦ୍ରୁତ ବୋଲର ଜସପ୍ରୀତ ବୁମ୍ରା ଖୁବ୍ଶୀଘ୍ର ବିବାହ ବନ୍ଧନରେ ଆବଦ୍ଧ ହେବାକୁ ଯାଉଛନ୍ତି। ଏହି କାରଣରୁ ସେ ଇଂଲଣ୍ଡ ବିପକ୍ଷ ଶେଷ ଟେଷ୍ଟ ନ ଖେଳିବାକୁ ନିଷ୍ପତ୍ତି ନେଇଥିଲେ। ତାଙ୍କୁ ପୂର୍ବରୁ ଟି -୨୦ ସିରିଜରୁ ବିଶ୍ରାମ ଦିଆଯାଇଛି। ତିନି ମ୍ୟାଚ ବିଶିଷ୍ଟ ଏକଦିବସୀୟ ସିରିଜରେ ମଧ୍ୟ ସେ ଖେଳିବେ ନାହିଁ। ବୁମରା ବିବାହ କରିବାକୁ ଯାଉଛନ୍ତି। ଏଭଳି ପରିସ୍ଥିତିରେ ସେ ବିବାହ ସହ ଜଡିତ ପ୍ରସ୍ତୁତି ପାଇଁ ଛୁଟି ନେଇଛନ୍ତି। ତେବେ ସେ କାହାକୁ ବିବାହ କରିବେ ତାକୁ ନେଇ ଚର୍ଚ୍ଚା ଜୋର ଧରିଛି। ସାଉଥ୍ ଅଭିନେତ୍ରୀ ଅନୁପମା ପରମେଶ୍ୱରନ୍ ବିବାହ କରିବେ ବୋଲି ଆଲୋଚନା ହେଉଥିଲା। କିନ୍ତୁ ଅଭିନେତ୍ରୀଙ୍କ ପରିବାର ପକ୍ଷରୁ ଏହାକୁ ଖଣ୍ଡନ କରାଯାଇଛି। ଅନୁପମା ଏବେ ଗୁଜରାଟରେ ନିଜ ଆଗାମୀ ଫିଲ୍ମ ଶୁଟିଂ ବ୍ୟସ୍ତ ଥିବା କହିଛନ୍ତି। ତେବେ ବୁମ୍ରା ଗୋଆର ସ୍ପୋର୍ଟସ ଆଙ୍କର୍ ସଞ୍ଜନା ଗଣେଷନଙ୍କୁ ବିବାହ କରିବେ ବୋଲି ର୍ଚ୍ଚା ହେଉଛି। ୨୮ ବର୍ଷିୟା ସଞ୍ଜନା ଅନେକ ଅନ୍ତର୍ଜାତୀୟ ଟୁର୍ନାମେଣ୍ଟରେ ହୋଷ୍ଟିଂ ଦାୟିତ୍ୱ ତୁଲାଇଛନ୍ତି। ୨୦୧୯ ଆଇପିଏଲ୍ରେ କୋଲକତା ନାଇଟ୍ ରାଇଡର୍ସ ପକ୍ଷରୁ ମଧ୍ୟ ହୋଷ୍ଟିଂ କରିଥିଲେ। ୨୦୧୩ରେ ସେ ଫେମିନା ଗର୍ଜିୟସ୍ ଟାଇଟେଲ୍ ଜିତିଥିଲେ। ତେବେ ବୁମ୍ରାଙ୍କ ବିବାହ କେବେ ଓ କେଉଁଠାରେ ହେବ ତାହା ଏପର୍ଯ୍ୟନ୍ତ ସ୍ପଷ୍ଟ ହୋଇନାହିଁ। ଏହି ବିବାହ କେବଳ ଅହମ୍ମଦାବାଦରେ ହେବ ବୋଲି ଚର୍ଚ୍ଚା ହେଉଛି।