ଜୋହାନ୍ସବଗ,୪।୧: ଦକ୍ଷିଣ ଆଫ୍ରିକା ବିପକ୍ଷରେ ଜୋହାନ୍ସବର୍ଗରେ ଖେଳାଯାଉଥିବା ଦ୍ୱିତୀୟ ଟେଷ୍ଟ ମ୍ୟାଚର ପ୍ରଥମ ଦିନରେ ଭାରତୀୟ ଦଳ ପ୍ରଥମ ଇନିଂସରେ ମାତ୍ର ୨୦୨ ରନର ଅଲଆଉଟ୍ ହୋଇଛି। କିନ୍ତୁ ଭାରତୀୟ ବୋଲର୍ ଜସପ୍ରୀତ ବୁମ୍ରା ସମସ୍ତଙ୍କୁ ବଲରେ ନୁହେଁ ବରଂ ବ୍ୟାଟ ଦ୍ୱାରା ଆଶ୍ଚର୍ଯ୍ୟ କରିଥିଲେ। ଏକ ସମୟରେ ଟିମ ଇଣ୍ଡିଆ ୨୦୦ରେ ପହଞ୍ଚି ପାରିବ ବୋଲି କେହି ଭାବି ନ ଥିଲେ। କିନ୍ତୁ ବୁମ୍ରା ଶେଷରେ ଆସି ବଡ଼ ସଟ ଖେଳି ଭାରତକୁ ୨୦୦ରୁ ଅଧିକ ନେଇଥିଲେ। ଏହି ସମୟରେ, ବୁମ୍ରା କାଗିସୋ ରାବାଡାର ଏକ ଓଭରରେ ଦୁଇଟି ଚୌକା ଏବଂ ୧ ଛକା ସହିତ ମୋଟ ୧୪ ରନ କରିଥିଲେ।
ଭାରତର ଇନିଂସର ୬୨ ତମ ଓଭର ରାବାଡା ବୋଲିଂ କରିଥିଲେ। ସେହି ଓଭରରେ ବୁମ୍ରା ଆକ୍ରମଣାତ୍ମକ ବ୍ୟାଟିଂ କରି ୬ଟି ବଲରୁ ମୋଟ ୧୪ ରନ ନେଇଥିଲେ। ବୁମରାଙ୍କୁ ଦେଖି ରାବାଡା ମଧ୍ୟ ଚକିତ ହୋଇଯାଇଥିଲେ। ସମାନ ଓଭରର ତୃତୀୟ ବଲରେ ବୁମରା ଏକ ହୁକ ସଟ ଖେଳି ଛକା ମାରିଥିଲେ। ବୁମରା ନିଜେ ମଧ୍ୟ ଏହି ଆଶ୍ଚର୍ଯ୍ୟଜନକ ସଟ ଖେଳି ଆଶ୍ଚର୍ଯ୍ୟ ହୋଇଯାଇଥିଲେ।ା ରାବାଡାର ଫାଷ୍ଟ ବାଉନ୍ସର୍ ବୁମ୍ରା ଛକା ମାରିଥିଲେ, ଷ୍ଟାଣ୍ଡରେ ବସିଥିବା ତାଙ୍କ ସ୍ତ୍ରୀ ସଞ୍ଜନା ଗଣେଶନଙ୍କୁ ମଧ୍ୟ କରତାଳି ଦେଉଥିବାର ନଜର ଆସିଥିଲେ। ବୁମରାଙ୍କ ଛକା ଦେଖି ସେ ହସିଥିଲେ। ସୋସିଆଲ ମିଡିଆରେ ଏହାର ଭିଡିଓ ଭାଇରାଲ ହେବାରେ ଲାଗିଛି।
https://twitter.com/LoduLal02410635/status/1478003655290732544
