ଆସିକା,୧୬ା୪(ଡି.ଏନ.ଏ.): ଗଞ୍ଜାମ ଜିଲା ଗାଙ୍ଗପୁର ଥାନା ଅନ୍ତର୍ଗତ ଗୋବରା ପଞ୍ଚାୟତ ବାସୁଦେବପୁର ଗ୍ରାମରେ ଶୁକ୍ରବାର ଘର ଛାତରୁ ପଡି ଜଣେ ନୌସେନା ଯବାନଙ୍କ ମୃତ୍ୟୁ ଘଟିଛି। ସେ ହେଲେ କୃଷ୍ଣଚନ୍ଦ୍ର ଗୌଡ (୨୬)। ଗୁରୁବାର ରାତିରେ କାଳବୈଶାଖୀ ଯୋଗୁ ବିଦ୍ୟୁତ ବ୍ୟାହତ ହେବାରୁ କୃଷ୍ଣଚନ୍ଦ୍ର ଘର ଛାତରେ ଶୋଇଥିଲେ। ବିଳମ୍ବିତ ରାତିରେ ସେ କୌଣସି ପ୍ରକାରେ ତଳକୁ ଖସିପଡିଥିଲେ। ପରିବାର ଲୋକେ ତାଙ୍କୁ ମୁମୂର୍ଷୁ ଅବସ୍ଥାରେ ଉଦ୍ଧାର କରି ପ୍ରଥମେ ଗୋବରା ଗୋଷ୍ଠୀ ସ୍ବାସ୍ଥ୍ୟ କେନ୍ଦ୍ର ଓ ପରେ ଭଞ୍ଜନଗର ସରକାରୀ ଡାକ୍ତରଖାନାକୁ ନିଆଯାଇଥିଲା। ସେଠାରେ ଡାକ୍ତର ମୃତ ଘୋଷଣା କରିଥିଲେ। ପରିବାର ପକ୍ଷରୁ ନୌସେନା ବିଭାଗକୁ ଖବର ଦିଆଯାଇଛି। ଚିଲିକାରୁ ନୌସେନାର ଏକ ଦଳ ବାସୁଦେବପୁରରେ ପହଞ୍ଚିବା ପରେ ଗାର୍ଡ ଅଫ ଅନର ଦିଆଯାଇ ମୃତଦେହର ସଂସ୍କାର କରାଯିବ। ଅପରପକ୍ଷେ ଘଟଣା ସମ୍ପର୍କରେ କୃଷ୍ଣଚନ୍ଦ୍ରଙ୍କ ଦାଦା ଜଟେଶ୍ୱର ଗୌଡ ଗାଙ୍ଗପୁର ଥାନାରେ ଅଭିଯୋଗ କରଛନ୍ତି। ପୋଲିସ ନଂ.୮/୨୨ରେ ଏକ ଅପମୃତ୍ୟ ମାମଲା ରୁଜୁ କରି ତଦନ୍ତ ଚଳାଇଛି। ସୂଚନାଯୋଗ୍ୟ, କୃଷ୍ଣଚନ୍ଦ୍ର ନୌସେନାର ଅଶ୍ୱିନୀ ୟୁନିଟରେ ଗତ ୬ ବର୍ଷ ହେଲା ଯୋଗ ଦେଇଥିଲେ। ଗତ ୨୮ ତାରିଖରୁ ଛୁଟିରେ ଗ୍ରାମକୁ ଆସିଥିଲା ବେଳେ ୧୭ ତାରିଖରେ କାର୍ଯ୍ୟରେ ଯୋଗଦେବା ଲାଗି ଚାଲିଯାଇଥାନ୍ତେ ା