ଚିତ୍ରକୋଣ୍ଡା,୨୪।୧: ମାଲକାନଗିରି ଜିଲା ଚିତ୍ରକୋଣ୍ଡା ବ୍ଲକ ସ୍ବାଭିମାନ ଅଞ୍ଚଳ ଅନ୍ତର୍ଗତ ପଣସପୁଟ ପଞ୍ଚାୟତ ଗୋରାସେତୁ ନିକଟ ହାଣ୍ଡିଖାଲ ଜଙ୍ଗଲରେ ରବିବାର ବିଏସ୍ଏଫ ଯବାନ ସର୍ଚ୍ଚ ଅପରେଶନ ଆରମ୍ଭ କରିଥିଲେ। ସେତିକିବେଳେ ଯବାନମାନେ ଏକ ମାଓବାଦୀ କ୍ୟାମ୍ପ ଠାବ କରିଛନ୍ତି। ସେଠାରୁ ମାଓବାଦୀମାନେ ବ୍ୟବହାର କରୁଥିବା ପଲିଥିନ, ମଲ୍ଟିମିଟର୍, ବିପୁଳ ପରିମାଣର ତାର, ସୋଲ୍ଡରିଂ ମେଶିିନ, ତାର କଟର, ଟ୍ରଞ୍ଜିଷ୍ଟର, ବ୍ୟାଟେରୀ ସହ ଅନ୍ୟାନ ସାମଗ୍ରୀ ଜବତ କରାଯାଇଛି।
ସୂଚନା ଯୋଗ୍ୟ, ହାଣ୍ଡିଖାଲ ଜଙ୍ଗଲରେ ମାଓବାଦୀମାନେ ରହିଥିବା ସ୍ଥାନୀୟ ବିଏସ୍ଏଫ କ୍ୟାମ୍ପକୁ ଖବର ମଳିଥିଲା। ଏନେଇ ଯବାନମାନେ ଜଙ୍ଗଲରେ ସର୍ଚ୍ଚ ଅପରେଶନ ଆରମ୍ଭ କରିଥିଲେ। କ୍ୟାମ୍ପରେ ହାତବୋମା ତିଆରି କରାଯାଉଥିବା ସୂଚନା ମିଳିଛି। ଅଞ୍ଚଳରେ ଏକ ବଡ ଧରଣର ଅଘଟଣ ଘଟାଇବାକୁ ମାଓବାଦୀମାନେ ଯୋଜନା କରୁଥିବା ବେଳେ ଏହା ବିଫଳ ହୋଇଛି।