ବମ୍ବେ: ରିଲିଜ ଅପେକ୍ଷାରେ ରହିଛି ଶାହାରୁଖ ଖାନ୍ଙ୍କ ବହୁ ପ୍ରତିକ୍ଷିତ ଫିଲ୍ମ ‘ଯବାନ’। ଏହାର କିଛି ଝଲକ ଦେଖିବା ପରଠାରୁ ପ୍ରଶଂସକଙ୍କ ମଧ୍ୟରେ ଫିଲ୍ମକୁ ନେଇ କ୍ରେଜ କାହିଁରେ କେତେ। ବିଦେଶରେ ଫିଲ୍ମର ଆଡଭାନ୍ସ ବୁକିଂ ଆରମ୍ଭ ହୋଇଥିବା ବେଳେ ନିର୍ମାତାମାନେ କିଛି ସମୟ ଲାଗି ବମ୍ବେର କିଛି ଥିଏଟରରେ ବୁକିଂ ଆରମ୍ଭ କରିଥିଲେ। କିଛି ମିନିଟ୍ ମଧ୍ୟରେ ସମସ୍ତ ଟିକେଟ ବିକ୍ରି ହୋଇଯାଇଥିଲା। ଥାଣେ ସିନେପୋଲିସ୍ରେ ଯବାନର ଟିକେଟ ଦାମ ୧୧୦୦ ଟଙ୍କା ରଖାଯାଇଥିଲା। ଏହା ମଧ୍ୟ ବିକ୍ରି ହୋଇଯାଇଥିଲା। ଦର୍ଶକଙ୍କ ଉତ୍କଣ୍ଠା ଦେଖି ଫିଲ୍ମଟି ପଠାନ ଠାରୁ ଭଲ ବ୍ୟବସାୟ କରିବ ବୋଲି ଆଶା କରାଯାଉଛି। ତେବେ ‘ଯବାନ’ରେ ଶାହାରୁଖଙ୍କ ବ୍ୟତିତ ନୟନତାରା, ସାନ୍ୟା ମଲହୋତ୍ରା, ବିଜୟ ସେତୁପତି ଆଦି ପ୍ରମୁଖ ଭୂମିକାରେ ନଜର ଆସିବେ।