ଭୁବନେଶ୍ୱର,୨୬।୫ (ଅଭୟ ଦାଶ)ଦେଶର ଅଗ୍ରଣୀ ଅଳଙ୍କାର ପ୍ରତିଷ୍ଠାନ ତଥା ଅନ୍ତଃରାଷ୍ଟ୍ରୀୟ ଗହଣା ବ୍ରାଣ୍ଡ୍ ‘ଜୟ ଆଲୁକ୍କାସ’ର ଆମେରିକାସ୍ଥିତ ହ୍ୟୁଷ୍ଟନ୍ଠାରେ ଥିବା ଆଉଟ୍ଲେଟର ପୁନଃ ଉଦ୍ଘାଟନ ନିକଟରେ ହୋଇଯାଇଛି। ଏପରିକି ଆମେରିକାର ଟେକ୍ସାସ୍ସ୍ଥିତ ହ୍ୟୁଷ୍ଟନ୍ ଶୋ’ରୁମ୍(ଆଉଟ୍ଲେଟ)ର ନବୀକରଣ ବିଶ୍ୱସ୍ତରୀୟ ମାନର ହୋଇଥିବାବେଳେ ଏଠାରେ ବ୍ରାଣ୍ଡ୍ର ସମସ୍ତ ଡିଜାଇନ ଓ କଲେକ୍ସନ ଉପଲବ୍ଧ ରହିଛି। ଏହି ପରିପ୍ରେକ୍ଷୀରେ ଏକ ସ୍ବତନ୍ତ୍ର ଉଦ୍ଘାଟନୀ କାର୍ଯ୍ୟକ୍ରମ (ଉତ୍ସବ)ର ଆୟୋଜନ କରାଯାଇଥିଲା। ଏହି ଅବସରରେ ଫୋର୍ଟ ବେଣ୍ଡ କାଉଣ୍ଟି ଜଜ୍ କେ.ପି. ଜର୍ଜ ଏବଂ କାଉଣ୍ଟି କୋର୍ଟ ଆଇନ ୩ର ପ୍ରିଜାଇଡିଂ ଜଜ୍ ଜୁଲି ମାଥ୍ୟୁ ସମ୍ମାନିତ ଅତିଥି ଭାବେ ଯୋଗଦେଇ ଏହାର ଉଦ୍ଘାଟନ କରିଥିଲେ। ଅନ୍ୟମାନଙ୍କ ମଧ୍ୟରେ ଜୟଆଲୁକ୍କାସ୍ ସମୂହର ଚେୟାରମ୍ୟାନ୍ ଜୟ ଆଲୁକ୍କାସ୍ଙ୍କ ସମେତ ବହୁ ମାନ୍ୟଗଣ୍ୟ ବ୍ୟକ୍ତିବିଶେଷ ଏବଂ ଶୋ’ରୁମ୍ ଅଧିକାରୀ ଓ କର୍ମଚାରୀମାନେ ଉପସ୍ଥିତ ଥିଲେ। ଏ ସମ୍ପର୍କରେ ଜୟଆଲୁକ୍କାସ୍ ସମୂହର ଚେୟାରମ୍ୟାନ୍ ଜୟ ଆଲୁକ୍କାସ କହିଥିଲେ, ହ୍ୟୁଷ୍ଟନ୍ଠାରେ ଆମର ନବୀକରଣ ହୋଇଥିବା ଶୋ’ରୁମ୍ର ପୁନଃ ଉଦ୍ଘାଟନ କରି ଆମେ ବେଶ୍ ଉତ୍ସାହିତ ଅଛୁ।