ନୂଆଦିଲ୍ଲୀ,୧୦।୧୧: ବିବାହ ବନ୍ଧନରେ ଆବଦ୍ଧ ହୋଇଛନ୍ତି କୋଟିପତି ବ୍ୟାଙ୍କର୍ ଉଦୟ କୋଟାକ୍ଙ୍କ ପୁଅ ଜୟ କୋଟାକ। ମଙ୍ଗଳବାର ଜିଓ କନ୍ଭେନ୍ଶନ ସେଣ୍ଟରରେ ଆୟୋଜିତ ଭବ୍ୟ ସମାରୋହରେ ପୂର୍ବତନ ମିସ୍ ଇଣ୍ଡିଆ ଅଦିତି ଆର଼୍ୟାଙ୍କ ହାତ ଧରିଛନ୍ତି ସେ। ଏହାପରେ ଉଦୟପୁରରେ ବିବାହର ଅନ୍ୟାନ୍ୟ କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା।
ରିପୋର୍ଟ ମୁତାବକ, ଉଭୟ କିଛି ବର୍ଷ ପୂର୍ବେ ଏକ ପାର୍ଟିରେ ପରସ୍ପରକୁ ଭେଟିଥିଲେ। ସେତେବେଳେ ବାସ୍ କିଛି ମିନିଟ୍ ଦୁହେଁ କଥା ହୋଇଥିଲେ। ଏହାପରେ ଜୟ ଅଦିତିଙ୍କୁ ଇନଷ୍ଟାଗ୍ରାମରେ ଏକ ମେସେଜ୍ ପଠାଇଥିଲେ। ଏହାପରେ ଉଭୟଙ୍କ ମଧ୍ୟରେ କଥାବାର୍ତ୍ତା ଆରମ୍ଭ ହୋଇଥିଲା। ଗତବର୍ଷ ଅଗଷ୍ଟରେ ସେମାନେ ନିର୍ବନ୍ଧ କରିଥିଲେ। ଏବେ ସେମାନେ ବିବାହ କରିଛନ୍ତି।
ତେବେ ଡିଜିଟାଲ ବ୍ୟାଙ୍କ କୋଟାକ୍୮୧୧ର ସହ-ଅଧ୍ୟକ୍ଷ ଜୟ କୋଟାକ ହାଓ୍ବାର୍ଡ ବିଜିନେସ ସ୍କୁଲରୁ ନିଜର ଏମ୍ବିଏ ଏବଂ କଲମ୍ବିଆ ୟୁନିଭର୍ସିଟିରୁ ଇତିହାସରେ ବିଏ କରିଛନ୍ତି। ତାଙ୍କ ବାପା ଉଦୟ, କୋଟାକ ମହିନ୍ଦ୍ରା ବ୍ୟାଙ୍କର ପ୍ରତିଷ୍ଠାତା। ତାଙ୍କର ମୋଟ ସମ୍ପତ୍ତି ୧.୦୯ ଲକ୍ଷ କୋଟିରୁ ଅଧିକ ଅଟେ।