ନୂଆଦିଲ୍ଲୀ,୩୦ା୬: କ୍ରିକେଟ ଜଗତରେ ଟି ୨୦ ବିଶ୍ୱକପର ନୂଆ ଚମ୍ପିୟନ ମିଳିଯାଇଛି। ଭାରତ ଦ୍ୱିତୀୟଥର ପାଇଁ ଟି୨୦ ବିଶ୍ୱକପ ବିଜୟୀ ହୋଇଛି। ଫାଇନାଲରେ ଭାରତ ଦକ୍ଷିଣ ଆଫ୍ରିକାକୁ ୭ ୱିକେଟରେ ହରାଇଛି। ମ୍ୟାଚରେ ଖେଳାଳିଙ୍କ ଜବରଦସ୍ତ ପ୍ରଦର୍ଶନ ପରେ ସୋସିଆଲ ମିଡିଆରେ ଭାରତୀୟ ପତାକା ସହିତ ବିସିସିଆଇ ସଚିବ ଜୟ ଶାହାଙ୍କ ଫଟୋ ଭାଇରାଲ ହେଉଛି। ଏହାସହିତ ତାଙ୍କର ପୁରୁଣା ଭିଡିଓ ମଧ୍ୟ ଭାଇରାଲ ହେଉଛି।
କ୍ରିକେଟ୍ ବୋର୍ଡ ଅଫ୍ ଇଣ୍ଡିଆ (ବିସିସିଆଇ) ସଚିବ ଜୟ ଶାହା ଏକ ଅହମ୍ମଦାବାଦରେ ଚାଲିଥିବା ଏକ କାର୍ଯ୍ୟକ୍ରମରେ କହିଥିବା କଥା ଭାଇରଲ ହେଉଛି। ”୨୦୨୩ ରେ ଅହମ୍ମଦାବାଦରେ କ୍ରମାଗତ ୧୦ ଟି ମ୍ୟାଚ୍ ଜିତିବା ପରେ ଯଦିଓ ଆମେ କପ୍ ଜିତି ନାହୁଁ, ତଥାପି ଆମେ ହୃଦୟ ଜିତିଛୁ। ମୁଁ ଆପଣଙ୍କୁ ଏକ ପ୍ରତିଶ୍ରୁତି ଦେବାକୁ ଚାହୁଁଛି ଯେ ରୋହିତ ଶର୍ମାଙ୍କ ଅଧିନାୟକତ୍ୱରେ ଆମେ ନିଶ୍ଚିତ ଭାବରେ ୨୦୨୪ ରେ ବାରବାଡୋସରେ ଭାରତୀୟ ପତାକା ଉଡାଇବୁ।”
ସୂଚନାଯୋଗ୍ୟ ୨୦୨୩ ଦିନିକିଆ କ୍ରିକେଟ୍ ବିଶ୍ୱକପର ଗ୍ରୁପ୍ ପର୍ଯ୍ୟାୟରେ ଟିମ୍ ଇଣ୍ଡିଆ ଏହାର ସମସ୍ତ ୯ ଟି ମ୍ୟାଚ୍ ଜିତିଥିଲା ଏବଂ ପରେ ସେମିଫାଇନାଲ ଦେଇ ଫାଇନାଲରେ ପ୍ରବେଶ କରିଥିଲା। କିନ୍ତୁ ଅହମ୍ମଦାବାଦରେ ଅନୁଷ୍ଠିତ ଫାଇନାଲରେ ରୋହିତ ଶର୍ମାଙ୍କ ନେତୃତ୍ୱରେ ଭାରତୀୟ ଦଳ ଅଷ୍ଟ୍ରେଲିଆ ବିପକ୍ଷରେ ବିଫଳ ହୋଇଥିଲେ। ବର୍ତ୍ତମାନ ଟି -୨୦ ବିଶ୍ୱକପରେ ଭାରତ ମଧ୍ୟ ସମାନ ସ୍ଥିତିରେ ଅଛି, କିନ୍ତୁ ଏହା ପୂର୍ବରୁ ଅଷ୍ଟ୍ରେଲିଆ ପରିବର୍ତ୍ତେ ଦକ୍ଷିଣ ଆଫ୍ରିକାରୁ ଆସିଛି। ବର୍ତ୍ତମାନର ବିଶ୍ୱକପରେ ମଧ୍ୟ ଭାରତ ଗ୍ରୁପ୍ ପର୍ଯ୍ୟାୟରେ ଏବଂ ପରେ ସୁପର- ୮ ପର୍ଯ୍ୟାୟରେ କୌଣସି ମ୍ୟାଚ୍ ନ ହାରି ଫାଇନାଲରେ ପ୍ରବେଶ କରିଥିଲା।