ନୂଆଦିଲ୍ଲୀ,୬।୮: ପୁଣିଥରେ ମହାରାଷ୍ଟ୍ରରେ ରାଜନୈତିକ ଅସ୍ଥିରତାର ସମ୍ଭାବନା ରହିଛି। କେନ୍ଦ୍ର ସ୍ବରାଷ୍ଟ୍ର ମନ୍ତ୍ରୀ ଅମିତ ଶାହାଙ୍କ ସହ ଏନସିପି ନେତା ଶରଦ ପାୱାରଙ୍କ ଘନିଷ୍ଠ ସହଯୋଗୀ ଜୟନ୍ତ ପାଟିଲଙ୍କ ସାକ୍ଷାତ ପରେ ଅନୁମାନ କରାଯାଉଥିଲା ଯେ ଶରଦ ପାୱାର ଦଳର ନେତା ଖୁବ ଶୀଘ୍ର ଭାରତୀୟ ଜନତା ପାର୍ଟି(ଭାଜପା)ରେ ଯୋଗ ଦେଇପାରନ୍ତି। ସୂଚନା ଅନୁଯାୟୀ, ଶନିବାର ପାଟିଲ ଅମିତ ଶାହାଙ୍କୁ ଭେଟିଥିଲେ। ବର୍ତ୍ତମାନ ଜୟନ୍ତ ପାଟିଲ ଏହି ପ୍ରଶ୍ନର ଉତ୍ତର ଦେବାବେଳେ ସମସ୍ତ କଳ୍ପନାଜଳ୍ପନାକୁ ପ୍ରତ୍ୟାଖ୍ୟାନ କରିଛନ୍ତି।
ପୁଣେରେ ଅମିତ ଶାହାଙ୍କ ସହ ହୋଇଥିବା ଅଭିଯୋଗର ଗୁଜବକୁ ଖଣ୍ଡନ କରି ପାଟିଲ କହିଛନ୍ତି ଯେ କିଏ ଆପଣଙ୍କୁ କହିଛି ଯେ ମୁଁ ଅମିତ ଶାହାଙ୍କୁ ଭେଟିଛି, ଆପଣ ଯେଉଁମାନେ ଏସବୁ କହୁଛନ୍ତି ସେମାନଙ୍କୁ ପଚାରିବା ଉଚିତ, ଶନିବାର ମୁଁ ଶରଦ ପାୱାରଙ୍କ ବାସଭବନରେ ଥିଲ। ମୁଁ କାହାକୁ ଭେଟି ନାହିଁ।