କାମ୍ପ୍ଲା,୧୨ା୪: ନ୍ୟାଶନାଲ ଫରେନ୍ସିକ୍ ସାଇନ୍ସ ୟୁନିଭର୍ସିଟି (ଏନ୍ଏଫ୍ଏସ୍ୟୁ) ହେଉଛି ବିଶ୍ୱର ପ୍ରଥମ ତଥା ଏକମାତ୍ର ଫରେନ୍ସିକ୍ ସାଇନ୍ସ ୟୁନିଭର୍ସିଟି ଉଗାଣ୍ଡାରେ ଏହାର ପ୍ରଥମ କ୍ୟାମ୍ପସ ସ୍ଥାପନ କରି ଭାରତ ଇତିହାସ ସୃଷ୍ଟି କରିଛି। ଯାହା ଅଧୀନରେ ଏନ୍ଏଫ୍ଏସ୍ୟୁ ଭାରତର ପ୍ରଥମ ଏବଂ ଏକମାତ୍ର ସରକାରୀ ବିଶ୍ୱବିଦ୍ୟାଳୟ ହୋଇ ଭାରତ ବାହାରେ ଏହାର କ୍ୟାମ୍ପସ ପ୍ରତିଷ୍ଠା କରିଛି।
ଭାରତର ବୈଦେଶିକ ବ୍ୟାପାର ମନ୍ତ୍ରୀ ଏସ୍ ଜୟଶଙ୍କର ବୁଧବାର ଜିଞ୍ଜାରେ ଏନ୍ଏଫ୍ଏସ୍ୟୁ କ୍ୟାମ୍ପସକୁ ଉଦ୍ଘାଟନ କରିଛନ୍ତି। ଭାରତ ବାହାରେ ଏନ୍ଏଫ୍ଏସ୍ୟୁର ପ୍ରଥମ କ୍ୟାମ୍ପସ ସ୍ଥାପନ ପାଇଁ ଭାରତ ଏବଂ ଉଗାଣ୍ଡା ମଧ୍ୟରେ ଏକ ଦ୍ୱିପାକ୍ଷିକ ଚୁକ୍ତି ସ୍ବାକ୍ଷରିତ ହୋଇଥିଲା।
ଭାରତର ବୈଦେଶିକ ବ୍ୟାପାର ମନ୍ତ୍ରୀ ଏସ୍ ଜୟଶଙ୍କର ଏବଂ ଉଗାଣ୍ଡାର ପ୍ରତିରକ୍ଷା ତଥା ଭେଟେରାନ୍ସ ବ୍ୟାପାର ମନ୍ତ୍ରୀ ଭିନ୍ସେଣ୍ଟ ସେମ୍ପିଜାଙ୍କ ଦ୍ୱାରା ଏହି ଚୁକ୍ତିନାମା ସ୍ବାକ୍ଷରିତ ହୋଇଛି। ଉଦ୍ଘାଟନୀ ସମାରୋହରେ ଉଗାଣ୍ଡାର ଉପମୁଖ୍ୟମନ୍ତ୍ରୀ ଲୁସିଆ ଇସ୍ଙ୍ଗା ନାକଡାମା, ଉଗାଣ୍ଡାର ବୈଦେଶିକ ମନ୍ତ୍ରୀ ଜେନେରାଲ ଓଡୋଙ୍ଗୋ, ଉଗାଣ୍ଡା ପ୍ରତିରକ୍ଷା ମନ୍ତ୍ରୀ ଭିନ୍ସେଣ୍ଟ ସେମ୍ପିଜା, ଏନ୍ଏଫ୍ଏସ୍ୟୁର ପ୍ରତିଷ୍ଠାତା ତଥା କୁଳପତି ଡକ୍ଟର ଜେ ଏମ୍ ବ୍ୟାସଙ୍କ ସମେତ ବହୁ ମାନ୍ୟଗଣ୍ୟ ବ୍ୟକ୍ତି ଉପସ୍ଥିତ ଥିଲେ।
