ନ୍ୟୁୟର୍କ,୨।୧୦: ଆମେରିକାର ଅଧିକାରୀମାନେ ଭାରତୀୟ ବୈଦେଶିକ ମନ୍ତ୍ରୀ ଏସ ଜୟଶଙ୍କରଙ୍କୁ ପ୍ରଶଂସା କରିଛନ୍ତି। ବାଇଡେନ ପ୍ରଶାସନର ବରିଷ୍ଠ ଅଧିକାରୀମାନେ ତାଙ୍କୁ ଆଧୁନିକ ଆମେରିକା-ଭାରତ ସମ୍ପର୍କର ସ୍ଥପତି ଏବଂ ଭାରତ ଏବଂ ଆମେରିକା ମଧ୍ୟରେ ଦ୍ୱିପାକ୍ଷିକ ସମ୍ପର୍କକୁ ମଜଭୁତ କରିବାରେ ଜୟଶଙ୍କର ଏକ ବିଶେଷ ଭୂମିକା ଗ୍ରହଣ କରିଛନ୍ତି ବୋଲି କହିଛନ୍ତି।
ଆମେରିକାରେ ଭାରତୀୟ ରାଷ୍ଟ୍ରଦୂତ ତରଣଜିତ୍ ସିଂ ସାନ୍ଧୁ ବୈଦେଶିକ ମନ୍ତ୍ରୀ ଜୟଶଙ୍କରଙ୍କ ସମ୍ମାନାର୍ଥେ ଏକ କାର୍ଯ୍ୟକ୍ରମ ଆୟୋଜନ କରିଥିଲେ। ବାଇଡେନ ପ୍ରଶାସନର ବରିଷ୍ଠ ଅଧିକାରୀମାନେ ହୋଗଦେଇଥିଲେ। ଆମେରିକାର ସର୍ଜନ ଜେନେରାଲ ବିବେକ ମୁର୍ତ୍ତୀ, ଡେପୁଟି ସେକ୍ରେଟେରୀ ରିଚାର୍ଡ ବର୍ମା, ରାଷ୍ଟ୍ରପତି ବିଡେନଙ୍କ ଘରୋଇ ନୀତି ପରାମର୍ଶଦାତା ନୀରା ଟଣ୍ଡନ ଜୟଶଙ୍କରଙ୍କୁ ଆଧୁନିକ ଆମେରିକା-ଭାରତ ସମ୍ପର୍କର ସ୍ଥପତି ବୋଲି କହିଥିଲେ।
ବୈଦେଶିକ ବ୍ୟାପାର ମନ୍ତ୍ରୀ ଏସ ଜୟଶଙ୍କରଙ୍କ ନଅ ଦିନିଆ ଆମେରିକା ଗସ୍ତ ରବିବାର ଶେଷ ହୋଇଛି। ଗସ୍ତର ଶେଷ ଦିନରେ ଜୟଶଙ୍କର ଏକ୍ସ ଉପରେ ଏକ ଭିଡିଓ ପୋଷ୍ଟ କରିଥିଲେ। ଭିଡିଓରେ ଜୟଶଙ୍କର ତାଙ୍କ ବିଦେଶ ଗସ୍ତର ମୁଖ୍ୟ ଆକର୍ଷଣ ଶେୟାର କରିଛନ୍ତି।