କୋହିମା,୧୦।୨: ପୋଖରୀରେ ଫସିଗଲେ ମନ୍ତ୍ରୀ। ଯେତେ ଚେଷ୍ଟା କରି ମଧ୍ୟ ବାହାରି ପାରିଲେନି। ଏତେ ଓଜନ ଯେ ପାଣିରୁ ଉଠିବା ବି ମୁସ୍କିଲ ହୋଇପଡିଲା। ଶତଚେଷ୍ଟା କରି ମଧ୍ୟ ପାଖରେ ଥିବା ସହକର୍ମୀ ମଧ୍ୟ ସାହାଯ୍ୟ କରିପାରିଲେନି। ଶେଷରେ ଲୋଡା ପଡିଲା ଜେସିବି। ଯାହାକୁ ଦେଖି ମନ୍ତ୍ରୀ ବି କହିଲେ, ଜେସିବିର ଭେଳା ବୁଡିଲା। ଆଜି ତା’ର ଭାଗ୍ୟ ପରୀକ୍ଷା।
ମନ୍ତ୍ରୀ ଜଣକ ହେଉଛନ୍ତି ନାଗାଲାଣ୍ଡ ପର୍ଯ୍ୟଟନ ମନ୍ତ୍ରୀ ତଥା ଭାଜପା ନେତା ତେମଜେନ ଇମାନ ଆଲୋଙ୍ଗ। ନିଜର ମଜାଦାର ଅନ୍ଦାଜ ଓ ମଜାଳିଆ ଭିଡିଓ ପାଇଁ ସେ ସବୁବେଳେ ଚର୍ଚ୍ଚାରେ ରହିଥାନ୍ତି । ଏବେ ପୁଣିଥରେ ତାଙ୍କର ଏକ ଭିଡିଓ ଭାଇରାଲ ହୋଇଛି। ସୋସିଆଲ ମିଡିଆରେ ସେ ନିଜର ଏକ ମଜାଳିଆ ଭିଡିଓ ପୋଷ୍ଟ କରିଛନ୍ତି।
Aaj JCB ka Test tha !
Note: It’s all about NCAP Rating, Gadi Kharidney Se Pehley NCAP Rating Jarur Dekhe.
Kyunki Yeh Aapke Jaan Ka Mamla Hain !! pic.twitter.com/DydgI92we2
— Temjen Imna Along (@AlongImna) February 10, 2024
ସୂଚନା ଥାଉ କି, ଭାଇରାଲ ଭିଡିଓରେ ତେମଜେନ ପୋଖରୀରେ ଫସି ଯାଇଛନ୍ତି। ଯେତେ ଚେଷ୍ଟା ପରେ ତାଙ୍କୁ ବାହାର କରିବା ମୁସ୍କିଲ ହୋଇପଡିଛି । ଶେଷରେ ତାଙ୍କୁ ଜେସିବି ଆସି ଉଠାଯାଉଛି। ତାଙ୍କର ଲପରି କାରନାମାକୁ ସେ ଭିଡିଓରେ କଏଦ କରି ସୋସିଆଲ ମିଡିଆରେ ପୋଷ୍ଟ କରିଛନ୍ତି। ଯେଉଁଥିରେ ସେ କହିଛନ୍ତି, ଆଜି ଜେସିବିର ଭାଗ୍ୟ ପରୀକ୍ଷା । ମୁଁ ସବୁଠୁ ବଡ ମାଛ । ପାଣିରେ ପଡି ଆକ୍ତାମାକ୍ତ ହୋଇଗଲି।
ତେବେ ଦୀର୍ଘସମୟର କସରତ ପରେ ସେ ପାଣିରୁ ବାହାରିଥିଲେ। ଆଉ ବାହାରିବା ପରେ ସେ ପ୍ରଥମେ ତାଙ୍କ ଚୌକିକୁ ଖୋଜିଥିଲେ ।
