ନୂଆଦିଲ୍ଲୀ,୨୨।୬: ଉତ୍ତରପ୍ରଦେଶରେ ଭାରତୀୟ ଜନତା ପାର୍ଟି (ଭାଜପା)କୁ ଲୋକ ସଭା ନିର୍ବାଚନ ୨୦୨୪ରେ ଆଶା ଠାରୁ କମ ଆସନ ପାଇବା ପରେ ସମଗ୍ର ରାଜନୈତିକ ଜଗତରେ ଚର୍ଚ୍ଚା ଦେଖାଦେଇଛି।ଏହି ବିଷୟରେ ବିଭିନ୍ନ ପ୍ରକାରର ବିବୃତ୍ତି ମଧ୍ୟ ଦିଆଯାଉଛି। ଏହି କ୍ରମରେ ଭାଜପାର ସହଯୋଗୀ ଜେଡିୟୁ ଏଭଳି ଏକ ବିବୃତ୍ତି ଦେଇଛି ଯାହାକୁ ନେଇ
ଚର୍ଚ୍ଚା ଆରମ୍ଭ ହୋଇଛି।
ବାସ୍ତବରେ, ଉତ୍ତରପ୍ରଦେଶର ଜେଡିୟୁ ମୁଖପାତ୍ର ଅନୁପ ସିଂ ପଟେଲ କହିଛନ୍ତି ଯେ ୟୁପିରେ ୫୦ଟି ଆସନରେ ନିର୍ବାଚନ ଲଢିବାକୁ ଦଳ ପ୍ରସ୍ତୁତ ହେଉଛି, ତେଣୁ ଏତେ ପରିଶ୍ରମ କରିବାକୁ ପଡ଼ିବ ଯେ ଲୋକମାନେ ଆସି ଆମକୁ ପଚାରିବେ। ଆମେ କାହା ସହିତ ମେଣ୍ଟ ଗଠନ କରିନାହୁଁ। କେବଳ ଏତିକି ନୁହେଁ ସେ କହିଛନ୍ତି ଯେ ଯଦି ଭାଜପା ୟୁପିରେ ତାଙ୍କ ଦଳକୁ କିଛି ଆସନ ଦେଇଥାନ୍ତା, ତେବେ ଏଭଳି ଖରାପ ପରିସ୍ଥିତି ଦେଖାଯାଇନଥାନ୍ତା।
ଅନୁପ ସିଂ କହିଛନ୍ତି, ଆମ ଦଳ ର୍ମିଜାପୁର, ଫୁଲପୁର ଏବଂ ଆମ୍ବେଦକର ନଗର ଲୋକ ସଭା ଆସନରୁ ପ୍ରାର୍ଥୀ ଦେବାକୁ ଚାହୁଁଥିଲା, କିନ୍ତୁ ଭାଜପା ଏହା କରିବାକୁ ଦେଇ ନ ଥିଲା। ଯଦି ଆମକୁ ଆସନ ମିଳିଥାନ୍ତା, ତେବେ ଏନଡିଏକୁ ୟୁପିରେ ଏଭଳି ପରାଜୟର ସମ୍ମୁଖୀନ ହେବାକୁ ପଡ଼ିନଥାନ୍ତା।
ୟୁପିରେ ଏସପିର ବିଜୟ ସମ୍ପର୍କରେ ସେ କହିଛନ୍ତି ଯେ ସେମାନଙ୍କ ନେତା ନୀତୀଶ କୁମାର ଭାରତୀୟ ଜନତା ପାର୍ଟି ସହ ମେଣ୍ଟ ଗଠନ କରିଛନ୍ତି। ଅଖିଳେଶ ତାଙ୍କ ରଣନୀତି ଆପଣାଇ ଜିତିଛନ୍ତି।
