ବଲିଉଡ୍ର ବିଗତ ଦିନର ସୁପରଷ୍ଟାର ଜିତେନ୍ଦ୍ରଙ୍କର ଆଜି ହେଉଛି ଜନ୍ମଦିନ। ବର୍ତ୍ତମାନ ସେ ୭୯ ବର୍ଷରେ ପଦାର୍ପଣ କରିଛନ୍ତି। ଜିତେନ୍ଦ୍ର ପଞ୍ଜାବର ଅମୃତସରରେ ଜନ୍ମଗ୍ରହଣ କରିଥିଲେ। ତେବେ ତାଙ୍କର ପ୍ରକୃତ ନାମ ହେଉଛି ରବି କପୁର। ୧୯୬୪ରେ ଫିଲ୍ମ ‘ଗୀତ୍ ଗାୟା ପଥ୍ର’ ରୁ ବଲିଉଡ୍ରେ ଡେବ୍ୟୁ କରିଥିବା ଜିତେନ୍ଦ୍ର ୨ଶହରୁ ଅଧିକ ଫିଲ୍ମରେ କାମ କରିଛନ୍ତି। କେବଳ ଅଭିନୟ ନୁହେଁ ବ୍ୟକ୍ତିଗତ ଜୀବନକୁ ନେଇ ବେଶ୍ ଚର୍ଚ୍ଚାରେ ରହୁଥିଲେ ଅଭିନେତା। ତେବେ ଆପଣ ଶୁଣିଲେ ଆଶ୍ଚର୍ଯ୍ୟ ହେବେ ଯେ, ଜିତେନ୍ଦ୍ରଙ୍କ ଉପରେ ଯୌନ ନିର୍ଯାତନା ଅଭିଯୋଗ ଆସିଥିଲା। ତେବେ ସବୁଠାରୁ ଆଶ୍ଚର୍ଯ୍ୟର କଥା ହେଲା ଏହି ଅଭିଯୋଗ ତାଙ୍କର ସମ୍ପର୍କୀୟ ଭଉଣୀ ଆଣିଥିଲେ। ଏହି ମାମଲା ୨୦୧୮ର। ତାଙ୍କ ଭଉଣୀ ଅଭିଯୋଗ ଆଣିଥିଲେ ଯେ, ଯେତେବେଳେ ସେ ୧୮ବର୍ଷର ଥିଲେ ନିଶାସକ୍ତ ଅବସ୍ଥାରେ ଜୋର ଜବରଦସ୍ତ କରିଥିଲେ। ତେବେ ଜିତେନ୍ଦ୍ର ଏହି ଅଭିଯୋଗକୁ ଖଣ୍ଡନ କରିଥିଲେ।