ରାଞ୍ଚି, ୨୫ା୬(ପି.ଟି.) : ଦେଶର ଆଦିବାସୀମାନଙ୍କ ପରିଚୟ ପ୍ରତି ବିପଦ ସୃଷ୍ଟି କରିବା ଆଶଙ୍କା ଥିବା ଏକକ ଦଓ୍ବୋନି ସଂହିତା (ୟୁସିସି) ଚିନ୍ତାଧାରାକୁ ପ୍ରତ୍ୟାହାର କରିନେବା ଲାଗି ଆଇନ କମିଶନଙ୍କୁ ନିବେଦନ କରିବେ ଝାଡ଼ଖଣ୍ଡର ୩୦ରୁ ଊର୍ଦ୍ଧ୍ୱ ଆଦିବାସୀ ସଂଗଠନ। ୟୁସିସି ଉପରେ ଆଇନ କମିଶନ ସାନି ଆଲୋଚନା ଚଳାଇଥିବାବେଳେ ଏହା ବିରୋଧରେ ଆନ୍ଦୋଳନକୁ ଓହ୍ଲାଇବାକୁ ମିଳିତ ଆଦିବାସୀ ସଂଗଠନ ନିଷ୍ପତ୍ତି ନେଇଛି। ରବିବାର ରାଞ୍ଚତ୍ରେ ଅନୁଷ୍ଠିତ ସମାବେଶରେ ଏହି ନିଷ୍ପତ୍ତି ନିଆଯାଇଛି। ଆଦିବାସୀ ସମନ୍ବୟ ସମିତି (ଏଏସ୍ଏସ୍) ବ୍ୟାନରରେ ୩୦ରୁ ଊର୍ଦ୍ଧ୍ୱ ଆଦିବାସୀ ସଂଗଠନର ପ୍ରତିନିଧି ଏକାଠି ହୋଇ ୟୁସିସି ଉପରେ ଆଲୋଚନା କରିଥିଲେ। ୟୁସିସି ଲାଗୁହେଲେ ବିଭିନ୍ନ ଆଦିବାସୀ ପ୍ରଥାଗତ ଆଇନ ଓ ଅଧିକାର ଦୁର୍ବଳ ହୋଇଯିବ ବୋଲି ସେମାନେ ଆଶଙ୍କା ପ୍ରକାଶ କରିଛନ୍ତି।
୨୨ତମ ଆଇନ କମିଶନ ଗତ ୧୪ ତାରିଖରେ ଜନସାଧାରଣ ଏବଂ ଧର୍ମୀୟ ସଂଗଠନ ସମେତ ବିଭିନ୍ନ ଷ୍ଟେକ୍ହୋଲ୍ଡରଙ୍କଠାରୁ ସାନି ପ୍ରସ୍ତାବ ଓ ମତାମତ ମାଗିଥିଲା। ଏହି ଚିନ୍ତାଧାରାକୁ ପ୍ରତ୍ୟାହାର କରିନେବା ଲାଗି ଆମେ ଆଇନ କମିଶନଙ୍କୁ ଅନୁରୋଧ କରି ପତ୍ର ଲେଖିବୁ ବୋଲି ଏଏସ୍ଏସ୍ ସଦସ୍ୟ ଦେବକୁମାର ଧନ କହିଛନ୍ତି। ଜୁଲାଇ ୫ରେ ଝାଡ଼ଖଣ୍ଡ ରାଜଭବନ ନିକଟରେ ସେମାନେ ୟୁସିସି ବିରୋଧରେ ଆନ୍ଦୋଳନ କରିବେ ଓ ରାଜ୍ୟପାଳଙ୍କୁ ସ୍ମାରକପତ୍ର ଦେବେ। ଆଦିବାସୀ ପ୍ରଥାଗତ ଆଇନକୁ ଉଚ୍ଛେଦ କରିବା ପାଇଁ କେନ୍ଦ୍ର ସରକାରଙ୍କର ଏହା ଏକ ଷଡ଼ଯନ୍ତ୍ର ଭଳି ଲାଗୁଥିବା ଦେବକୁମାର କହିଛନ୍ତି। ଯଦି ସେମାନଙ୍କ ଦାବିକୁ ବିଚାରକୁ ନିଆ ନ ଯାଏ, ତେବେ ସାରା ଦେଶର ଆଦିବାସୀ ନୂଆଦିଲ୍ଲୀରେ ବିକ୍ଷୋଭ କରିବେ ବୋଲି କହିଛନ୍ତି। ୟୁସିସି ଲାଗୁ ହେଲେ ଆଦିବାସୀମାନଙ୍କ ଜମିକୁ ସୁରକ୍ଷା ଦେଉଥିବା ଛୋଟନାଗପୁର ଟେନାନ୍ସି ଆକ୍ଟ ଏବଂ ସାନ୍ତାଳ ପ୍ରଗଣା ଟେନାନ୍ସି ଆକ୍ଟ ପ୍ରଭାବିତ ହେବା ଆଶଙ୍କା ରହିଛି ବୋଲି ଆଦିବାସୀ ଜନପରିଷଦ ଅଧ୍ୟକ୍ଷ ପ୍ରେମ ସାହି ମୁଣ୍ଡା କହିଛନ୍ତି।