ସିଡନୀ,୨୬।୯: ଭାରତର ଅଭିଜ୍ଞ ବୋଲର ଝୁଲନ ଗୋସ୍ବାମୀ ରବିବାର ଅଷ୍ଟ୍ରେଲିଆ ବିପକ୍ଷ ତୃତୀୟ ଦିନିକିଆରେ ଇତିହାସ ସୃଷ୍ଟି କରିଛନ୍ତି। ଦ୍ୱିତୀୟ ଦିନିକିଆର ଶେଷ ଓଭରରେ ୨ଟି ନୋ ବଲ୍ ପକାଇୁ ସମାଲୋଚନାର ସମ୍ମୁଖୀନ ହୋଇଥିବା ଝୁଲନ ଏହି ମ୍ୟାଚରେ ୨ଟି ଉଇକେଟ୍ ନେଇଥିଲେ। ଏହା ସହ ସେ ତାଙ୍କ କ୍ୟାରିୟରର ୬୦୦ ଉଇକେଟ ମଧ୍ୟ ପୂରଣ କରିଥିଲେ। ମ୍ୟାଚ୍ର ୯ମ ଓଭରରେ ଝୁଲନ ଅଷ୍ଟ୍ରେଲିଆକୁ ୨ଟି ଝଟକା ଦେଇଥିଲେ। ଓଭରର ପ୍ରଥମ ବଲରେ ଝୁଲନ ରାଫେଲ ହେନ୍ସଙ୍କୁ ମଧ୍ୟଭାଗରେ ଶେଫାଳି ବର୍ମା କ୍ୟାଚ୍ ଧରିଥିଲେ। ଏହା ପରେ ସମାନ ଓଭରର ପଞ୍ଚମ ବଲରେ ଅଷ୍ଟ୍ରେଲୀୟ ଅଧିନାୟକ ମେଗ ଲେନିଙ୍ଗଙ୍କୁ ଉଇକେଟ କିପର ରିଚା ଘୋଷ କ୍ୟାଚ୍ କରିଥିଲେ। ମେଗ ତାଙ୍କ ଖାତା ମଧ୍ୟ ଖୋଲି ପାରି ନ ଥିଲେ। ପ୍ରଥମେ ବ୍ୟାଟିଂ କରିବାକୁ ବାହାରିଥିବା ଝୁଲନ ଅଷ୍ଟ୍ରେଲୀୟ ଦଳକୁ ୯ ଓଭରରେ ୪୧ ରନ ଦେଇ ୨ଟି ଝଟକା ଦେଇଥିଲେ।
୨୦୦୨ ରେ ଆନ୍ତର୍ଜାତୀୟ ସ୍ତରରେ ଡେବ୍ୟୁ କରିଥିବା ଝୁଲନ ଏହା ପୂର୍ବରୁ ୧୯୧ ଟି ଦିନିକିଆରେ ୨୩୭ଟି ଉଇକେଟ ନେଇଥିଲେ। ଏଥି ସହିତ ୧୧ ଟି ଟେଷ୍ଟରେ ୪୧ ଉଇକେଟ ଏବଂ ୬୮ଟି -୨୦ ରେ ୫୬ ଉଇକେଟ୍ ନେଇଛନ୍ତି।