ଟାଇଗର-୩କୁ ଟକ୍କର ଦେବ ଜିଗର ଥଣ୍ଡା ଡବଲ ଏକ୍ସ, ୧୧ ସେପ୍ଟେମ୍ବରରେ ଟିଜର ଜାରି…

ମୁମ୍ବାଇ : ଏସଜେ ସୂର୍ଯ୍ୟ ଏବଂ ରାଘବ ଲରେନ୍ସଙ୍କ ଫିଲ୍ମ ଜିଗର ଥଣ୍ଡା ଡବଲ ଏକ୍ସ ସମ୍ପର୍କରେ ଘୋଷଣା ହେବା ଦିନଠାରୁ ଏହା ଚର୍ଚ୍ଚାରେ ରହି ଆସିଛି। କାର୍ତ୍ତିକ ସୁବରାଜଙ୍କ ଦ୍ୱାରା ଲିଖିତ ତଥା ନିର୍ଦ୍ଦେଶିତ ଜିଗର ଥଣ୍ଡା ଡବଲ ଏକ୍ସର ସୁଟିଂ ମଦୁରାଇରେ ଶେଷ ହୋଇଥିଲା। ଚଳଚ୍ଚିତ୍ରର ଯାତ୍ରା ୨୦୧୪ ମସିହାରେ ଜିଗର ଥଣ୍ଡା ସହିତ ଆରମ୍ଭ ହୋଇଥିଲା। ଏଥି ସହିତ, ଏହି କାହାଣୀ ବର୍ତ୍ତମାନ ହାଇ ଅକ୍ଟେନ ଆକ୍ସନ ଏଣ୍ଟଟେନମେଣ୍ଟ ଜିଗର ଥଣ୍ଡା ଡବଲ ଏକ୍ସ ଭାବେ ଦର୍ଶକଙ୍କୁ ମନୋରଞ୍ଜନ କରିବାକୁ ପରଦାରେ ଆସିବାକୁ ଯାଉଛି। ଏହି ଧାରାବାହିକରେ ଫିଲ୍ମର ଟିଜର ରିଲିଜରେ ଏକ ବଡ ଅପଡେଟ ଆସିଛି, ଯାହା ଏହାକୁ ଅପେକ୍ଷା କରିଥିବା ପ୍ରଶଂସକଙ୍କ କୌତୁହଳ ବଢ଼ାଇ ଦେଇଛି।
୨୦୧୯ରେ ରଜନୀକାନ୍ତଙ୍କ ଅଭିନୀତ ‘ପେଟା’ ରିଲିଜ ହେବା ପରେ କାର୍ତ୍ତିକ ସୁବରାଜଙ୍କର କୌଣସି ବ୍ଲକବଷ୍ଟର ଫିଲ୍ମ ନ ଥିଲା। ତେଣୁ, ଅନ୍ୟାନ୍ୟ ଚଳଚ୍ଚିତ୍ର ନିର୍ମାତାମାନଙ୍କ ପରି କାର୍ତ୍ତିକ ମଧ୍ୟ ତାଙ୍କ କ୍ୟାରିୟରର ସବୁଠାରୁ ବଡ ବ୍ଲକବଷ୍ଟରଜିଗର ଥଣ୍ଡାର ଦ୍ୱିତୀୟ ଭାଗ କରିବାକୁ ଚେଷ୍ଟା କରିଛନ୍ତି। ନିର୍ଦ୍ଦେଶକ ଏହି ଫିଲ୍ମରେ ଅପଡେଟ ଶେୟାର କରି ଏକ ଟୁଇଟ କରିଛନ୍ତି। ଏଥିରେ ସେ କହିଛନ୍ତି ଏହାର ଟିଜର ସେପ୍ଟେମ୍ବର ୧୧ ରେ ୧୨ଟା ୧୨ ରେ ରିଲିଜ ହେବ। ଯାହା ଟିଜର ଅପେକ୍ଷା ଅଧିକ ଦମଦାର ହେବାକୁ ଯାଉଛି ।

ଫିଲ୍ମ ଜିଗର ଥଣ୍ଡା ଡବଲ ଏକ୍ସର ପୋଷ୍ଟର ଶେୟାର କରିବାବେଳେ ନିର୍ଦ୍ଦେଶକ କାର୍ତ୍ତିକ ସୁବରାଜ ହ୍ୟାସଟ୍ୟାଗ ମାଧ୍ୟମରେ ଲେଖିଛନ୍ତି, ଜିଗର ଥଣ୍ଡା ଡବଲ ଏକ୍ସ ଦୀପାବଳି ଅବସରରେ ପ୍ରେକ୍ଷାଳୟକୁ ଆସିବ। ସଲମାନ ଖାନଙ୍କ ବହୁ ପ୍ରତୀକ୍ଷିତ ଚଳଚ୍ଚିତ୍ର ‘ଟାଇଗର-୩’ ମଧ୍ୟ ଦିୱାଲୀ ଅବସରରେ ମୁକ୍ତିଲାଭ କରିବାକୁ ଯାଉଛି। ଏଭଳି ପରିସ୍ଥିତିରେ ବଡ ପରଦାରେ ଦୁଇଟି ଫିଲ୍ମ ମଧ୍ୟରେ କଡ଼ା ଟକ୍କର ହେବାର ଆଶା ରହିଛି।

ଦିୱାଲୀ ଅବସରରେ ତାମିଲ, ତେଲୁଗୁ ଏବଂ ହିନ୍ଦୀ ଭାଷାରେ ରାଘବ ଲରେନ୍ସ ଏବଂ ଏସ.ଜେ ସୂର୍ଯ୍ୟଙ୍କ ଅଭିନୀତ ଆକ୍ସନ ଡ୍ରାମା ଜିଗର ଥଣ୍ଡା ଡବଲ ଏକ୍ସ ମୁକ୍ତିଲାଭ କରିବ। ଏହି ଚଳଚ୍ଚିତ୍ର ବିଷୟରେ ନିର୍ଦ୍ଦେଶକ କାର୍ତ୍ତିକ ସୁବରାଜ କହିଛନ୍ତି, ’ମୁଁ ଖୁସି ଦିୱାଲୀ ୨୦୨୩ ପାଇଁ ଜିଗର ଥଣ୍ଡା ଡବଲ ଏକ୍ସ ରିଲିଜ ତାରିଖ ଠିକ କରିପାରିଛୁ। ଏହା ଏକ ଉଚ୍ଚାଭିଳାଷୀ ପ୍ରୋଜେକ୍ଟ, ଯାହାର ପ୍ରଥମ ଭାଗ ଜିଗର ଥଣ୍ଡା ଦର୍ଶକଙ୍କ ଠାରୁ ଅପାର ପ୍ରେମ ଲାଭ କରିଥିଲା। ମୁଁ ନିଶ୍ଚିତ ଏହି ଚଳଚ୍ଚିତ୍ର ଏହାର ପ୍ରିକ୍ୱେଲର ଯୋଗ୍ୟ ଉତ୍ତରାଧିକାରୀ ହେବ ।