ଖ୍ରୀଷ୍ଟଚର୍ଚ୍ଚ,୨୩।୩: ବାଂଲାଦେଶ ଏବଂ ନ୍ୟୁଜିଲାଣ୍ଡ ମଧ୍ୟରେ ଚାଲିଥିବା ଦ୍ୱିତୀୟ ଦିନିକିଆ ମ୍ୟାଚ୍ରେ ଏକ ରୋଚକ ଘଟଣା ଘଟିଛି। ମଙ୍ଗଳବାର ଅଧିନାୟକ ତମିମ ଇକବାଲ ଏବଂ ମିଡିଲ ଅର୍ଡର ବ୍ୟାଟ୍ସମ୍ୟାନ ମହମ୍ମଦ ମିଥୁନଙ୍କ ଅର୍ଦ୍ଧଶତକୀୟ ଇନିଂସ ବଳରେ ବାଂଲାଦେଶ ୬ ଉଇକେଟ ହରାଇ ୨୭୧ ରନ ସ୍କୋର କରିଛି। ଏହି ମ୍ୟାଚ ସମୟରେ ପ୍ରଥମ ଇନିଂସରେ ଅନେକ ମଜାଦାର ଦୃଶ୍ୟ ଦେଖିବାକୁ ମିଳିଥିଲା। ଏହି ମ୍ୟାଚ୍ରେ ତମିମ ଇକବାଲଙ୍କୁ ଗୋଡରେ ରନ୍ ଆଉଟ୍ କରିଛନ୍ତି ଜିମି ନିଶାମ। ମ୍ୟାଚ ସମୟରେ ନିଶାମ ପାଦରେ ଫୁଟବଲର କଳା ପ୍ରଦର୍ଶନ କରି ତମିମ ଇକବାଲଙ୍କୁ ଆଉଟ୍ କରିଥିଲେ। ନ୍ୟୁଜିଲାଣ୍ଡ ଏବଂ ବାଂଲାଦେଶ ମଧ୍ୟରେ ଦ୍ୱିତୀୟ ଦିନିକିଆ ମ୍ୟାଚ ଖ୍ରୀଷ୍ଟଚର୍ଚ୍ଚରେ ଖେଳାଯାଉଛି। ଏହି ମ୍ୟାଚ୍ରେ ନ୍ୟୁଜିଲାଣ୍ଡ ଟସ ଜିତି ପ୍ରଥମେ ବୋଲିଂ କରିବାକୁ ନିଷ୍ପତ୍ତି ନେଇଥିଲା। ଏହି ସିରିଜରେ ନ୍ୟୁଜିଲାଣ୍ଡ ଏବେ ୧-୦ରେ ଆଗୁଆ ରହିଛି।