ଭୁବନେଶ୍ୱର,୧୨।୪: ଦେଶର ପ୍ରମୁଖ ଅଟୋମୋବାଇଲ କମ୍ପାନୀ ମାରୁତି ସୁଜୁକି ଇଣ୍ଡିଆ ଲିମିଟେଡ୍ (ଏମ୍ଏସ୍ଆଇଏଲ୍)ର ବହୁ ପ୍ରତୀକ୍ଷିତ ତଥା ଅତ୍ୟାଧୁନିକ ଜ୍ଞାନକୌଶଳରେଣ ନିର୍ମିତ ନ୍ୟୁ ଜିମ୍ନିର ସର୍ବଭାରତୀୟ ଉନ୍ମୋଚନ ଓ ବଜାର ପ୍ରବେଶ ନିକଟରେ ହୋଇଯାଇଛି। ଏପରିକି ମାରୁତି ସୁଜୁକିର ପ୍ରିମିୟମ ରିଟେଲ ନେଟ୍ୱର୍କ ନେକ୍ସା ଜରିଆରେ ନ୍ୟୁ ଜିମ୍ନି ଦେଶବ୍ୟାପୀ ବିକ୍ରି କରାଯିବ। ଏହି ପରିପ୍ରେକ୍ଷୀରେ କମ୍ପାନୀର ସ୍ବୀକୃତିପ୍ରାପ୍ତ ଡିଲର ନେକ୍ସା ରାଜଭବନ ପକ୍ଷରୁ ଏକ ସ୍ବତନ୍ତ୍ର କାର୍ଯ୍ୟକ୍ରମର ଆୟୋଜନ କରାଯାଇଥିଲା। ଉକ୍ତ କାର୍ଯ୍ୟକ୍ରମ ଅବସରରେ ନ୍ୟୁ ଜିମ୍ନିର ଅନାବରଣ କରାଯାଇଥିଲା। ଏହି ଅବସରରେ ଭାରତୀୟ ଷ୍ଟେଟ ବ୍ୟାଙ୍କ (ଏସ୍ବିଆଇ)ର ଡିଜିଏମ୍ ସଞ୍ଜୟ କୁମାର ଝା ମୁଖ୍ୟ ଅତିଥି ଭାବେ ଯୋଗଦେଇ ଏହାର ଅନାବରଣ କରିଥିଲେ। ଅନ୍ୟମାନଙ୍କ ମଧ୍ୟରେ ମାରୁତି ସୁଜୁକି ନେକ୍ସାର ଟେରିଟୋରି ସେଲ୍ସ ମ୍ୟାନେଜର ଅନୁଭବ ବେହେରା, ନାରାୟଣୀ ମୋଟର୍ସର ଏମ୍ଡି ପୁରୁଷୋତ୍ତମ ବୁଦ୍ଧରାଜ, ନାରାୟଣୀ ମୋଟର୍ସର ନିର୍ଦ୍ଦେଶକ ଦିଭିଜ ବୁଦ୍ଧରାଜ ପ୍ରମୁଖ ସମ୍ମାନିତ ଅତିଥି ଭାବେ ଯୋଗ ଦେଇଥିବା ବେଳେ ନେକ୍ସା ରାଜଭବନର ଜିଏମ୍ ବି.ଡି.ପଣ୍ଡାଙ୍କ ସମେତ ଅନ୍ୟମାନେ ମଧ୍ୟ ଉପସ୍ଥିତ ଥିଲେ। ଅପରପକ୍ଷରେ ନେକ୍ସା ରାଜଭବନଠାରେ ଏକ ୨ ଦିନିଆ ମାରୁତି ସୁଜୁକି ଜିମ୍ନିର ସ୍ବତନ୍ତ୍ର ପ୍ରଦର୍ଶନୀର ଆୟୋଜନ କରାଯାଇଛି। ବିଶେଷକରି ଜିମ୍ନିକୁ କମ୍ପାନୀ ତା’ର ପ୍ରଥମ ଅଫ୍-ରୋଡ୍ ଗାଡ଼ି ଭାବେ ଡିଜାଇନ ହୋଇଥିବା ବେଳେ ଏଥିରେ ୧୦୫ ଏଚ୍ପି, ୧.୫ ଲିଟର କେ୧୫ବି ପେଟ୍ରୋଲ ଇଞ୍ଜିନ୍ ଅନ୍ତଭୁର୍କ୍ତ ରହିଛି। ଉଲ୍ଲେଖଯୋଗ୍ୟ, ନ୍ୟୁ ଜିମ୍ନି ୨ଟି ଭାରିଆଣ୍ଟ ଜେଟା ଓ ଆଲ୍ଫା ସହ ୭ଟି ଆକର୍ଷଣୀୟ ରଙ୍ଗରେ ଉପଲବ୍ଧ। ଏଥିରେ ଅନେକ ବୈଶିଷ୍ଟ୍ୟ ସହ ଆକର୍ଷଣୀୟ ଫିଚର ଅନ୍ତଭୁର୍କ୍ତ ରହିଛି। ସୂଚନାଯୋଗ୍ୟ, ଏପ୍ରିଲ ୧୧ ଓ ୧୨ରେ ଭୁବନେଶ୍ୱର ନେକ୍ସା ରାଜଭବନଠାରେ ଜିମ୍ନିକୁ ସ୍ବତନ୍ତ୍ର ଭାବେ ପ୍ରଦର୍ଶିତ କରାଯାଉଛି।