ନୂଆଦିଲ୍ଲୀ,୨୪।୫ ରିଲାଏନ୍ସ ରିଟେଲ୍ ପକ୍ଷରୁ ଜିଓ ଫୋନ୍ ନେକ୍ସଟ୍ ପାଇଁ ସୀମିତ ସମୟର ଏକ୍ସଚେଞ୍ଜ ଟୁ ଅପ୍ଗ୍ରେଡ୍ ଅଫରର ଶୁଭାରମ୍ଭ କରାଯାଇଛି। ଏହି ଅଫର ଅନୁସାରେ ଗ୍ରାହକମାନେ ଯେ କୌଣସି ପୁରୁଣା ସକ୍ରିୟ ୪ଜି ଫିଚର ଫୋନ୍, ଜିଓ ଫୋନ୍ କିମ୍ବା ସ୍ମାର୍ଟଫୋନ୍କୁ ବଦଳାଇ ମାତ୍ର ୪,୪୯୯ ଟଙ୍କାରେ ଆଉ ଏକ ସମ୍ପୂର୍ଣ୍ଣ ନୂଆ ଜିଓ ଫୋନ୍ ନେକ୍ସଟ୍
ପାଇପାରିବେ। ଏହି ଆକର୍ଷଣୀୟ ଅଫର ଜରିଆରେ ପୁରୁଣା ୪ଜି ଫିଚରଫୋନ୍ ଓ ସ୍ମାର୍ଟଫୋନ୍ର ଗ୍ରାହକମାନଙ୍କୁ ନିଜ ଡିଭାଇସ୍ ଅସୁବିଧାକୁ ଧରି ରଖିବାକୁ ପଡ଼ିବନି ଏବଂ ସେମାନେ ବାସ୍ତବ ୪ଜି ଜିଓ ଡିଜିଟାଲ୍ ଜୀବନକୁ ସମ୍ପୂର୍ଣ୍ଣ ଉପଭୋଗ କରିପାରିବେ।
ବର୍ତ୍ତମାନର ୪ଜି ଫିଚରଫୋନ୍ ବ୍ୟବହାରକାରୀମାନେ ଅତି ସହଜରେ ବିଶ୍ୱର ସବୁଠୁ ସୁଲଭ ସ୍ମାର୍ଟଫୋନ୍ ସହ ବଡ଼ ସ୍କ୍ରିନ୍ ଡିଜିଟାଲ୍ ଅନୁଭୂତି ପାଇପାରିବେ। ଏହି ଅଫର ରିଲାଏନ୍ସ ରିଟେଲ୍ର ଜିଓମାର୍ଟ ଡିଜିଟାଲ୍, ରିଲାଏନ୍ସ ଡିଜିଟାଲ୍ ଓ କୋଣ ଅନୁକୋଣରେ ଥିବା ଏହାର ଆଉଟ୍ଲେଟ୍ଗୁଡ଼ିକରେ ଉକ୍ତ ଫୋନ ଉପଲବ୍ଧ ହେବ, ଯଦ୍ଦ୍ବାରା ଭୌଗୋଳିକ ଓ ଆର୍ଥିକ ଦୃଷ୍ଟିରୁ ଏହା ଅଧିକରୁ ଅଧିକ ଲୋକଙ୍କ ପାଖରେ ପହଞ୍ଚତ୍ପାରିବ। ସୂଚନାଯୋଗ୍ୟ ଯେ ଜିଓ ଫୋନ୍ ନେକ୍ସଟ୍କୁ ଜିଓ ଓ ଗୁଗୁଲ୍ ପକ୍ଷରୁ ମିଳିତ ଭାବେ ଡିଜାଇନ୍ କରାଯାଇଛି। ଏହା ବିଶ୍ୱର ସବୁଠୁ ସୁଲଭ ୪ଜି ସ୍ମାର୍ଟଫୋନ୍, ଯେଉଁଥିରେ ରହିଛି ୫.୪୫ ଇଞ୍ଚ୍ର ଏଚ୍ଡି ସ୍କ୍ରିନ୍ ସହ କର୍ଣ୍ଣିଂ ଗୋରିଲା ଗ୍ଲାସ୍ ୩ ଓ ଆଣ୍ଟି ଫିଙ୍ଗରପ୍ରଣ୍ଟ କୋଟିଂ, ୨ଜିବି ରାମ୍, ୩୨ଜିବି ଇନ୍-ବିଲ୍ଟ ଷ୍ଟୋରେଜ୍,୧୩ ମେଗାପିକ୍ସେଲ୍ ପଛ କ୍ୟାମେରା, ୮ ମେଗାପିକ୍ସେଲ୍ ସାମ୍ନା ସେଲ୍ଫି କ୍ୟାମେରା, ୩୫୦୦ ଏମ୍ଏଏଚ୍ ବ୍ୟାଟେରି ସହ ଅନେକ ପ୍ରକାର ଅତ୍ୟାଧୁନିକ ଫିଚର ସାମିଲ ରହିଛି।