ନୂଆଦିଲ୍ଲୀ,୩୧।୧୨: ଗ୍ରାହକମାନଙ୍କ ପାଇଁ ନୂଆବର୍ଷର ଭେଟି ଆଣିଛି ଜିଓ। ଜାନୁଆରୀ ପହିଲାରୁ ଜିଓରୁ ଅନ୍ୟ ସମସ୍ତ ନେଟଓ୍ବାର୍କକୁ କଲ୍ କଲେ ଆଉ ଦେୟ ଦେବାକୁ ପଡ଼ିବ ନାହିଁ। ଏହା ମାଗଣା ହୋଇଯିବ। ପୂର୍ବରୁ ଅଫ୍ନେଟ କଲ ମାଗଣା ରହିଥିଲା। ଏବେ ଭଏସ୍ କଲ୍ ପାଇଁ ମଧ୍ୟ ଟଙ୍କା ଗଣିବାକୁ ପଡ଼ିବ ନାହିଁ ବୋଲି କମ୍ପାନୀ ପକ୍ଷରୁ ସ୍ପଷ୍ଟ କରାଯାଇଛି।
ଜିଓ କହିଛି, ଟ୍ରାଇର ଆଦେଶ ଅନୁସାରେ ଏହି ଚାର୍ଜ ବନ୍ଦ କରାଯାଇଛି। ୨୦୧୯ ସେପ୍ଟେମ୍ବରଠାରୁ ଜିଓରୁ ଅନ୍ୟ ନେଟଓ୍ବାର୍କକୁ କଲ୍ କରିବାକୁ ନେଇ ଟଙ୍କା ନେବା ଆରମ୍ଭ କରିଥିଲା। ମାଗଣା ଅଫ୍ନେଟ୍ କଲିଂର ଅର୍ଥ ବିନା ପ୍ୟାକ୍ରେ ବ୍ୟବହାରକାରୀ କଲ୍ କରିପାରିବେ। ପ୍ଲାନ୍ ଭାଲିଡିଟି ଭିତରେ କୌଣସି ପ୍ରକାର କଲିଂର ଦେୟ ଦେବାକୁ ପଡ଼ିବ ନାହିଁ। ବିଶେଷକରି କମ୍ପାନୀ ଆଇୟୁସି ଚାର୍ଜ ହଟାଇଦେଇଛି। ତେବେ ଅନ୍ୟ କମ୍ପାନୀମାନେ ଏହାକୁ ହଟାଇବା ପରେ ପ୍ୟାକ୍ ଶସ୍ତା ହେବ।
ମାଗଣା ଭଏସ୍ କଲିଂର ସୁବିଧା ଥିବା ପ୍ଲାନର ମୂଲ୍ୟ ୧୨୯ରୁ ଆରମ୍ଭ ହେଉଛି। କେବଳ ଡାଟା ପାଇଁ ଗ୍ରାହକ ପଇସା ଦେବେ। ମାତ୍ର କଲିଂ ପାଇଁ କୌଣସି ଦେୟ ଦେବାକୁ ହେବନାହିଁ। ଏଥିପାଇଁ କେବଳ ଭାଲିଡିଟି ଥିବା ଆବଶ୍ୟକ। ଏବେ ୧୨୯ ଟଙ୍କାର ପ୍ୟାକ୍ରେ ଜିଓ ୨ ଜିବି ଡାଟା ଏବଂ ୨୮ ଦିନର ଭାଲିଡିଟି ଦେଉଛି। ଏହାଛଡ଼ା ୧୪୯ ଟଙ୍କାର ପ୍ୟାକ୍ରେ ୨୪ ଦିନର ଭାଲିଡିଟି ସହ ପ୍ରତ୍ୟେହ ୧ ଜିବି ଡାଟା ମିଳୁଛି। ୧୯୯ ପ୍ଲାନରେ ପ୍ରତ୍ୟେହ ୧.୫ ଜିବି ଡାଟା ମିଳୁଛି। ଏହାର ଭାଲିଡିଟି ୨୮ ଦିନ ରହିଛି। ସେହିଭଳି ୫୫୫ଟଙ୍କାର ପ୍ଲାନରେ ୮୪ ଦିନର ଭାଲିଡିଟି ଏବଂ ପ୍ରତ୍ୟେହ ୧.୫ ଜିବି ଡାଟା ଗ୍ରାହକଙ୍କୁ ମିଳୁଛି।