ଶ୍ରୀନଗର,୩।୪: ଜମ୍ମୁ:ଜମ୍ମୁକଶ୍ମୀରେ ରବିବାର ୪ ଜଣ ଆତଙ୍କବାଦୀଙ୍କୁ ଗିରଫ କରିଛି ବାନ୍ଦିପୋରା ପୋଲିସ। ଗିରଫ ଆତଙ୍କବାଦୀମାନେ ବାନ୍ଦିପୋରା ଜିଲ୍ଲାରେ ଆତଙ୍କବାଦୀମାନଙ୍କୁ ଲଜିଷ୍ଟିକ ଏବଂ ଗମାନାଗମନରେ ସହଯୋଗ କରୁଥିଲେ। ଏକ ବିଷେଶସୁତ୍ରରୁ ଖବର ପାଇ ପୁଲିସ ଆସ୍ଥାଙ୍ଗୋ ଏବଂ ବାଣ୍ଡିପୋରା ଏରିଆରେ ୩ ଜଣ ଅଭିଯୁକ୍ତ ଲସ୍କର ଇ-ତୋଇବା ସହ ସମ୍ପୃକ୍ତ ପୋଲିସ ଜାଣିବାକୁ ପାଇଥିଲା। ଏହି ଅଭିଯୁକ୍ତମାନେ ହେଲେ ଇରଫାନ ଅହମ୍ମଦ ଭଟ୍ଟ, ସାଜ୍ଜଦ ଅହମ୍ମଦ ର୍ମି ଏବଂ ଇର୍ଫାନ ଅହମ୍ମଦ ଜାନ। ସେହିପରି ରାଖ ହାଜିନ ଚେକପୋଷ୍ଟରେ ଅନ୍ୟ ଜଣେ ଅଭିଯୁକ୍ତ ଆତଙ୍କବାଦୀଙ୍କୁ ସହାୟତା କରୁଥିବା ଖବର ପାଇ ପୋଲିସ ତାଙ୍କୁ ମଧ୍ୟ ଗିରଫ କରିଛି। ଗିରଫ ଚତୁର୍ଥ ଅଭିଯୁକ୍ତ ଜଣକ ହେଲେ ଇରଫାନ ଅଜିଜ ଭଟ୍ଟ। ତାଙ୍କଠାରୁ ଚାଇନା ଗ୍ରେନେଡ ଜବତ କରାଯାଇଛି।