ଯେକୌଣସି ମଣିଷ ପାଇଁ ଖାଦ୍ୟ, ବସ୍ତ୍ର ଏବଂ ବାସଗୃହ ନିହାତି ଆବଶ୍ୟକ। ଏହି ଆବଶ୍ୟକତା ପୂରଣ କରିବାକୁ ଲୋକଙ୍କୁ ଚାକିରି କରିବା ଦରକାର। ରୋଜଗାରର ସନ୍ଧାନରେ ଅନେକ ଲୋକ ନିଜ ଘର, ସହର ଏବଂ ଏପରିକି ଦେଶ ଛାଡ଼ି ଚାଲିଯାଆନ୍ତି। କିଛି ଲୋକ ଟାଣ ଖରାରେ କାମ କରୁଥିବାବେଳେ କିଛି ଲୋକ ବଡ଼ ବଡ଼ କାରଖାନା ଏବଂ କମ୍ପାନୀରେ କାମ କରିଥାନ୍ତି। ରୋଜଗାର ମାଧ୍ୟମରେ ମଣିଷ କେବଳ ଟଙ୍କା ରୋଜଗାର କରେ ନାହିଁ ବରଂ ନିଜକୁ ମଧ୍ୟ ବିକଶିତ କରେ। ଦକ୍ଷତା ଅନୁଯାୟୀ, ପ୍ରତ୍ୟେକ ବ୍ୟକ୍ତି ନିଜ ପାଇଁ ଚାକିରି ବାଛନ୍ତି। ଦେଶ ତଥା ବିଦେଶରେ ଅନେକ ପ୍ରକାରର ଚାକିରି ଉପଲବ୍ଧ। କିନ୍ତୁ ଏମିତି ଏକ ଚାକିରି ବିଷୟରେ କହିବୁ, ଯାହା ବିଷୟରେ ଜାଣି ଆପଣ ଆଶ୍ଚର୍ଯ୍ୟ ହେବେ। ତେବେ ଜାଣନ୍ତୁ ଏହି ଚାକିରି ବିଷୟରେ…
ଶୋଇବା ପାଇଁ ଚାକିରି:
ଫିନ୍ଲାଣ୍ଡ୍ରେ ଲୋକଙ୍କୁ କେବଳ ଶୋଇବା ପାଇଁ ଚାକିରି ଦିଆଯାଏ। ଏଠାରେ ଲୋକମାନଙ୍କୁ କେବଳ ଶୋଇବା ଦରକାର ଏବଂ ଏହାର ପ୍ରତିବଦଳରେ ସେମାନେ ଭଲ ଟଙ୍କା ପାଆନ୍ତି। ଫ୍ିନଲ୍ୟାଣ୍ଡର ଏକ ହୋଟେଲ କୋଠରି ଏବଂ ବେଡ୍ର ଆରାମ ବିଷୟରେ ଜାଣିବା ପାଇଁ ଲୋକଙ୍କୁ ଏହି ଶୋଇବା ଚାକିରିରେ ନିଯୁକ୍ତି କରାଯାଇଥାଏ।