ଭୁବନେଶ୍ୱର, ୬।୧ (ତପନ ସ୍ବାଇଁ): କଟକର ଜବାହରଲାଲ ନେହେରୁ ଇନ୍ଡୋର ଷ୍ଟାଡିୟମରେ ଚାଲିଥିବା ଅଲ୍ଟିମେଟ ଖୋ ଖୋରେ ପ୍ରଥମ ଦୁଇ ଦଳଭାବେ ତେଲୁଗୁ ଯୋଦ୍ଧାସ ଓ ଗୁଜରାଟ ଜାଏଣ୍ଟ୍ସ ସେମିଫାଇନାଲରେ ପ୍ରବେଶ କରିଛନ୍ତି। ଶୁକ୍ରବାର ଅନୁଷ୍ଠିତ ମ୍ୟାଚରେ ତେଲୁଗୁ ଯୋଦ୍ଧାସ ୩୮-୩୦ ପଏଣ୍ଟରେ ଚେନ୍ନାଇ କୁଇକ୍ ଗନ୍ସକୁ ଏବଂ ଗୁଜରାଟ ଜାଏଣ୍ଟ୍ସ ୪୬-୨୨ ବୃହତ୍ ବ୍ୟବଧାନରେ ରାଜସ୍ଥାନ ଓ୍ବାରିୟର୍ସକୁ ପରାସ୍ତ କରିଛି। ୮ ମ୍ୟାଚରୁ ୬ ବିଜୟ ସହ ତେଲୁଗୁ ଯୋଦ୍ଧାସ ୧୮ ପଏଣ୍ଟ ପାଇ ଟେବୁଲର ଶୀର୍ଷରେ ରହିଛି। ଗୁଜରାଟ ଜାଏଣ୍ଟ୍ସ ୭ ମ୍ୟାଚରୁ ୧୭ ପଏଣ୍ଟ ପାଇ ଦ୍ୱିତୀୟ ସ୍ଥାନ ଅଧିକାର କରିଛି। ଚେନ୍ନାଇ ୭ ମ୍ୟାଚରୁ ୧୬ ପଏଣ୍ଟ ଏବଂ ଓଡ଼ିଶା ଜଗରନଟ୍ସ ୭ ମ୍ୟାଚରୁ ୧୪ ପଏଣ୍ଟ ସହ ଯଥାକ୍ରମେ ତୃତୀୟ ଓ ଚତୁର୍ଥ ସ୍ଥାନରେ ରହିଛି। ଶନିବାର ଗୁଜରାଟ ଜାଏଣ୍ଟ୍ସ ଓ ଓଡ଼ିଶା ଜଗରନଟ୍ସ ଏବଂ ଚେନ୍ନାଇ କୁଇକ୍ ଗନ୍ସ ଓ ମୁମ୍ବାଇ ଖିଲାଡିଜ୍ ମଧ୍ୟରେ ମୁକାବିଲା ହେବ। ରାଜସ୍ଥାନ ଓ୍ବାରିୟର୍ସ ୮ ମ୍ୟାଚରୁ ୮ ପରାଜୟ ବରଣ କରି ନିମ୍ନରେ ରହିଛି।