ଲର୍ଡସ,୫।୬: ନ୍ୟୁଜିଲାଣ୍ଡ ବିପକ୍ଷ ତିନି ଟେଷ୍ଟ ସିରିଜର ପ୍ରଥମ ମ୍ୟାଚରେ ଇଂଲଣ୍ଡ ବିଜୟ ହାସଲ କରିଛି। ଲର୍ଡସ ଟେଷ୍ଟର ଚତୁର୍ଥ ଦିନରେ ଇଂଲଣ୍ଡ ନ୍ୟୁଜିଲାଣ୍ଡକୁ ୫ ଉଇକେଟ୍ରେ ପରାସ୍ତ କରିଛନ୍ତି। ପ୍ରଥମ ଇନିଂସରେ ଖରାପ ବ୍ୟାଟିଂ କରିବା ପରେ ଇଂଲଣ୍ଡ ଦଳ ଦ୍ୱିତୀୟ ଇନିଂସରେ ଚମତ୍କାର ପ୍ରତ୍ୟାବର୍ତ୍ତନ କରି ୨୭୭ ରନ୍ର କଷ୍ଟସାଧ୍ୟ ଲକ୍ଷ୍ୟ ହାସଲ କରିଥିଲା। ଦଳ ପାଇଁ ଏହି ଟେଷ୍ଟର ହିରୋ ପୂର୍ବତନ ଅଧିନାୟକ ଜୋ ରୁଟ ଥିଲେ। ଦ୍ୱିତୀୟ ଇନିଂସରେ ରୁଟ ଏକ ଅପରାଜିତ ୧୧୫ ରନ କରିଥିଲେ। ଏହା ହେଉଛି ରୁଟଙ୍କ କ୍ୟାରିୟରର ୨୬ତମ ଶତକ। ରୁଟ ମ୍ୟାନ ଅଫ ଦି ମ୍ୟାଚ ବିବେଚିତ ହୋଇଥିଲେ।
ଟେଷ୍ଟ କ୍ୟାରିୟରର ୨୬ତମ ଶତକ ହାସଲ କରିବା ସହିତ ଜୋ ରୁଟ ୧୦ ହଜାର ରନ ପୂରଣ କରିଥିଲେ। ଇଂଲଣ୍ଡର ପୂର୍ବତନ ଅଧିନାୟକ ଆଲାଷ୍ଟାୟର କୁକଙ୍କ ପରେ ସେ ଦ୍ୱିତୀୟ ଇଂଲଣ୍ଡ ବ୍ୟାଟ୍ସମ୍ୟାନ ଭାବେ ଟେଷ୍ଟରେ ୧୦,୦୦୦ ରନ ସ୍କୋର କରିଛନ୍ତି। ଜୋ ରୁଟ, ମାତ୍ର ୩୧ ବର୍ଷ ୧୫୭ ଦିନରେ ଏହି କୃତିତ୍ୱ ହାସଲ କରିଛନ୍ତି। ସେ ପ୍ରଥମ ଖେଳାଳି ଭାବେ ୯୦ ଦଶକରେ ଜନ୍ମ ହୋଇ ଟେଷ୍ଟ କ୍ରିକେଟରେ ୧୦,୦୦୦ ରନ ପୂରଣ କରିଛନ୍ତି। ବିଶେଷ କଥାଟି ହେଉଛି ଯେ, ଇଂଲଣ୍ଡ ପାଇଁ ପ୍ରଥମ ଦଶ ହଜାର ଟେଷ୍ଟ ରନ ସ୍କୋର କରିବାରେ ହୋଇଥିବା ଆଲିଷ୍ଟାୟର କୁକ ମଧ୍ୟ ୩୧ ବର୍ଷ ୧୫୭ ଦିନରେ ତାଙ୍କ ନାମରେ ଏହି ରେକର୍ଡ ସୃଷ୍ଟି କରିଥିଲେ।
ଟେଷ୍ଟ କ୍ରିକେଟରେ ୧୦ ହଜାର ରନ ପୂରଣ କରିବାରେ ରୁଟ ହେଉଛନ୍ତି ବିଶ୍ୱର ୧୪ତମ ବ୍ୟାଟ୍ସମ୍ୟାନ। ଭାରତର ସର୍ବଶ୍ରେଷ୍ଠ ବ୍ୟାଟ୍ସମ୍ୟାନ ସଚିନ ତେନ୍ଦୁଲକରଙ୍କ ଟେଷ୍ଟରେ ୧୫ ହଜାରରୁ ଅଧିକ ରନ୍ କରି ତାଲିକାର ସର୍ବାଗ୍ରେ ଅଛନ୍ତି। ସଚିନ ୧୦୦ଟି ଟେଷ୍ଟରେ ୧୫୯୨୧ ରନ ସ୍କୋର କରିଥିଲେ।