ଲଣ୍ଡନ,୧୩।୧୦: ଇଂଲଣ୍ଡ ଟେଷ୍ଟ ଦଳର ଅଧିନାୟକ ଜୋ ରୁଟ ଇଣ୍ଡିଆନ୍ ପ୍ରିମିୟର ଲିଗ୍ (ଆଇପିଏଲ)ର ପରବର୍ତ୍ତୀ ସଂସ୍କରଣରେ ଖେଳିପାରନ୍ତି। ଆଗାମୀ ବର୍ଷ ହେବାକୁ ଥିବା ମେଗା ଅକଶନ ଲାଗି ସେ ନାମ ପଞ୍ଜୀକୃତ କରାଇବେ। ଏ ସମ୍ପର୍କୀତ ଏକ ରିପୋର୍ଟ ବୁଧବାର ‘ଡେଲି ଟେଲିଗ୍ରାଫ’ରେ ପ୍ରକାଶ ପାଇଛି।
ଆଧୁନିକ କ୍ରିକେଟର କିମ୍ବଦନ୍ତୀ କୁହାଯାଉଥିବା ରୁଟ୍ ଏପର୍ଯନ୍ତ ଆଇପିଏଲରେ ଖେଳି ନାହାନ୍ତି। ୨୦୧୮ ଆଇପିଏଲ ଅକଶନରେ ତାଙ୍କ ପ୍ରତି କୌଣସି ଫ୍ରାଞ୍ଚାଇଜ ଇଚ୍ଛା ପ୍ରକଟ କରି ନ ଥିଲେ। କିନ୍ତୁ ପରବର୍ତ୍ତୀ ବର୍ଷ ହେବାକୁ ଯାଉଥିବା ଆଇପିଏଲରେ ଏଭଳି କିଛି ହେବାର ସମ୍ଭାବନା କ୍ଷୀଣ। କାରଣ ଆଇପିଏଲର ୨୦୨୨ ସଂସ୍କରଣରେ ଆହୁରି ୨ଟି ଦଳ ସାମିଲ କରାଯିବ।