ଲଣ୍ଡନ,୫।୮: ଲଣ୍ଡନ,୫।୮: ଇଂଲଣ୍ଡ ବିପକ୍ଷ ନଟିଂହାମ ଟେଷ୍ଟରେ ଟିମ ଇଣ୍ଡିଆର ବୋଲରମାନେ ଏକ ଭଲ ଆରମ୍ଭ କରିଥିଲେ। ଇଂଲଣ୍ଠର ପ୍ରଥମ ଇନିଂସରେ ଭାରତ ଘରୋଇ ଦଳକୁ ମାତ୍ର ୧୮୩ ରନ୍ରେ ରୋକି ଦେଇଛି। ତେବେ ଇଂଲଣ୍ଡ ଅଧିନାୟକ ଜୋ ରୁଟ୍ ଏହି ମ୍ୟାଚ୍ରେ ଅର୍ଦ୍ଧଶତକ ହାସଲ କରିଥିଲେ। ସେ ଦଳ ପାଇଁ ସର୍ବାଧିକ ୬୪ ରନ୍ କରିଥିଲେ। ଏଥିସହ ସେ ଟେଷ୍ଟ କ୍ରିକେଟ୍ରେ ୫୦ ତମ ଅର୍ଦ୍ଧଶତକ ହାସଲ କରିବା ସହ ଅନ୍ତର୍ଜାତୀୟ କ୍ରିକେଟ୍ରେ ୧୫ ହଜାର ରନ୍ ମଧ୍ୟ ପୂରଣ କରିଥିଲେ। ଇଂଲଣ୍ଡ ପକ୍ଷରୁ ଜୋ ରୁଟ୍ ୩ ଫର୍ମାଟରେ ୩୬୬ ପାଳି ଖେଳି ୧୫,୭୮୦ ରନ୍ କରିଛନ୍ତି। ଏଥିସହ ଇଂଲଣ୍ଡ ପକ୍ଷରୁ ସର୍ବାଧିକ ଅନ୍ତର୍ଜାତୀୟ ରନ୍ କରିବାରେ ସେ ଆଲାଷ୍ଟାୟାର କୁକ୍ଙ୍କୁ ପଛରେ ପକାଇଛନ୍ତି। କୁକ୍ ୧୫,୭୩୭ କରିଥିଲେ। ୩୦ ବର୍ଷୀୟ ରୁଟ୍ ଏପର୍ଯ୍ୟନ୍ତ ୧୦୬ ଟେଷ୍ଟ, ୧୫୨ ଦିନିକିଆ ଏବଂ ୩୨ ଟି-୨୦ ମ୍ୟାଚ୍ ଖେଳିଛନ୍ତି।
