ମୁମ୍ବାଇ,୧୨ା୭: ବାହାରିଲାଣି ବରଯାତ୍ରୀ। ଆଉ କିଛି ସମୟ ମଧ୍ୟରେ ଶିଳ୍ପପତି ମୁକେଶ ଅମ୍ବାନୀଙ୍କ ସାନପୁଅ ଅନନ୍ତ ଅମ୍ବାନୀ-ରାଧିକା ମର୍ଚାଣ୍ଟଙ୍କ ସହ ବିବାହ ବନ୍ଧନରେ ବାନ୍ଧି ହେବେ। ଏହି ବିବାହ କାର୍ଯ୍ୟକ୍ରମ ମୁମ୍ବାଇର ଜିଓ ଓ୍ବାଲର୍ଡ ସେଣ୍ଟରରେ ଅନୁଷ୍ଠିତ ହେଉଛି। ଅମ୍ବାନୀ ପରିବାର ଦେଶ ତଥା ବିଶ୍ୱର ବହୁ ସେଲିବ୍ରିଟିଙ୍କୁ ଆମନ୍ତ୍ରଣ କରିଛନ୍ତି। କେବଳ ବଲିଉଡ୍ ସେଲିବ୍ରିଟି ନୁହନ୍ତି, ଅନନ୍ତ-ରାଧିକାଙ୍କ ବିବାହରେ ହଲିଉଡ୍ ଏବଂ ଡବ୍ଲ୍ୟୁଡବ୍ଲ୍ୟୁଇ ସୁପରଷ୍ଟାରଙ୍କୁ ମଧ୍ୟ ନିମନ୍ତ୍ରଣ କରାଯାଇଛି।
ଏହି ପରିପ୍ରେକ୍ଷୀରେ ଡବ୍ଲୁଡବ୍ଲୁଇ ସୁପରଷ୍ଟାର ଜନ ସିନା ମଧ୍ୟ ଅନନ୍ତ-ରାଧିକାଙ୍କ ସହ ବିବାହ ଉତ୍ସବରେ ଯୋଗ ଦେଇଛନ୍ତି। ବିବାହ ଉତ୍ସବରେ ଜନ ସିନାଙ୍କୁ ସେରୱାନୀ ଲୁକ୍ରେ ଦେଖିବାକୁ ମିଳିଛି। ଅନନ୍ତ-ରାଧିକାଙ୍କ ବିବାହ ୩ ଦିନ ପର୍ଯ୍ୟନ୍ତ ଚାଲିବ। ୧୨ରେ ଶୁଭ ବିବାହ। ୧୩ ଜୁଲାଇରେ ଶୁଭ ଆଶୀର୍ବାଦ ଏବଂ ୧୪ ଜୁଲାଇରେ ରିସେସ୍ପନ କାର୍ଯ୍ୟକ୍ରମ ରହିଛି।