ଭୁବନେଶ୍ୱର,୨୨।୧୨: ଅଲ ଇଣ୍ଡିଆ ପଞ୍ଜାବ ନ୍ୟାଶନାଲ ବ୍ୟାଙ୍କ ଅଫିସର୍ସ ଆସୋସିଏଶନ (ଏଆଇପିଏନ୍ବିଓଏ)ର ଓଡ଼ିଶା ଶାଖା ପକ୍ଷରୁ ଆୟୋଜିତ ତ୍ରୈବାର୍ଷିକ ସମ୍ମିଳନୀ ନିକଟରେ ଶେଷ ହୋଇଯାଇଛି। ବିଶେଷକରି ଭୁବନେଶ୍ୱର ଓ ବ୍ରହ୍ମପୁର ଶାଖାର ମିଳିତ ତ୍ରୈବାର୍ଷିକ ସମ୍ମିଳନୀ ବ୍ରହ୍ମପୁରର ସର୍କଲ ସଭାପତି ଆର୍. ପୁରୁଷୋତ୍ତମ ଏବଂ ଭୁବନେଶ୍ୱରର ସର୍କଲ ସଭାପତି ରବିନାରାୟଣ ମାହାଳିକଙ୍କ ମିଳିତ ଅଧ୍ୟକ୍ଷତାରେ ଆୟୋଜିତ ହୋଇଯାଇଛି। ଏପରିକି ସଂଘର ରିସେପ୍ସନ କମିଟିର ଅଧ୍ୟକ୍ଷ ଅରବିନ୍ଦ ଶତପଥୀ ସ୍ବାଗତ ଅଭିଭାଷଣ ସହ ଅତିଥି ପରିଚୟ କରାଇଥିଲେ।
ଏହି ପରିପ୍ରେକ୍ଷୀରେ ଭୁବନେଶ୍ୱର ଅଞ୍ଚଳର ଆଞ୍ଚଳିକ ପ୍ରବନ୍ଧକ ଏ. ଉଦୟ ଭାସ୍କର ରେଡ୍ଡୀ ମୁଖ୍ୟ ଅତିଥି ଭାବେ ଯୋଗଦେଇ ବ୍ୟାଙ୍କର ସାମଗ୍ରିକ ବିକାଶର ଏକ ଅଂଶ ହେବା ପାଇଁ ସଂଘର ସଦସ୍ୟମାନଙ୍କୁ ପରାମର୍ଶ ଦେଇଥିଲେ। ସେହିପରି ଏଆଇପିଏନ୍ବିଓଏର ମହାପ୍ରବନ୍ଧକ ଦିଲୀପ ସାହା ବିବରଣୀ ପ୍ରଦାନ ସହ ‘ବ୍ୟାଙ୍କ ବଚାଓ-ଦେଶ ବଚାଓ’ ଆନ୍ଦୋଳନରେ ସାମିଲ ହେବାକୁ କହିଥିଲେ। ଅପରପକ୍ଷରେ ବ୍ରହ୍ମପୁର ସର୍କଲ ସେକ୍ରେଟାରି ପି. ସନ୍ତୋଷ ପାତ୍ର ଏବଂ ଭୁବନେଶ୍ୱର ସର୍କଲ ସେକ୍ରେଟାରି ବୈଲୋଚନ ସାହୁ ସଂଘର ବିକାଶ ଓ ସଫଳତା ସମ୍ପର୍କରେ ବିସ୍ତୃତ ଆଲୋଚନା କରିଥିଲେ। ସେହିପରି ଏଆଇପିଏନ୍ବିଓଏର ସଭାପତି କେ. ଶ୍ରୀକୁମାର, ସଂଘର କାର୍ଯ୍ୟକାରୀ ସଭାପତି କୌଶିକ ଘୋଷ, ଭୁବନେଶ୍ୱର ସର୍କଲ ମୁଖ୍ୟ ଆଲୋକ ରଞ୍ଜନ ସେନାପତି ଉପସ୍ଥିତ ସଦସ୍ୟ ଓ ଅତିଥିଙ୍କୁ ସଂଘର କାର୍ଯ୍ୟକଳାପ ଓ ଆଭିମୁଖ୍ୟ ସମ୍ପର୍କରେ ଆଲୋକପାତ କରିଥିଲେ। ପରିଶେଷରେ ଅବସର ଗ୍ରହଣ କରିଥିବା ସଦସ୍ୟମାନଙ୍କୁ ସଂଘ ପକ୍ଷରୁ ସମ୍ମାନିତ କରାଯାଇଥିଲା। ଉଲ୍ଲେଖଯୋଗ୍ୟ, ସର୍କଲ ୟୁନିଟ୍ର କାର୍ଯ୍ୟରତ ସଭାପତି ବିଶ୍ୱଭୂଷଣ ମିଶ୍ର ଧନ୍ୟବାଦ ଅର୍ପଣ କରିଥିଲେ।
