ଲେକ୍ ବୁଇନା ଭିଷ୍ଟା, ୨ା୮(ଏପି)-ବ୍ରୁକ୍ଲିନ୍ ନେଟ୍ସ ବିପକ୍ଷ ବାସ୍କେଟବଲ୍ ମ୍ୟାଚ ପୂର୍ବରୁ ଓର୍ଲାଣ୍ଡୋ ମ୍ୟାଜିକ୍ ଦଳର ଏକମାତ୍ର ଖେଳାଳି ଭାବେ ଜୋନାଥନ ଆଇଜାକ୍ ଛିଡ଼ାହୋଇ ଜାତୀୟ ସଙ୍ଗୀତ ଗାନ କରିଥିବା ଦେଖିବାକୁ ମିଳିଥିଲା। ତାଙ୍କ ବ୍ୟତୀତ ଅନ୍ୟ ଖେଳାଳିମାନେ ଆଣ୍ଠେଇ ଜାତୀୟ ସଙ୍ଗୀତ ଗାନ କରିଥିଲେ। ଶୁକ୍ରବାର ଓ୍ବାଲ୍ଟ ଡିସ୍ନୀ ଓ୍ବାଲର୍ଡଠାରେ ଏନବିଏ ସିଜନର ପୁନଃଆରମ୍ଭ ହୋଇଥିଲା। ବର୍ଣ୍ଣବୈଷମ୍ୟ ଭେଦଭାବକୁ ବିରୋଧ କରି ଏଭଳି ଭଙ୍ଗୀରେ ଜାତୀୟ ସଙ୍ଗୀତ ଗାନ କରିବା ଲାଗି ଟିମ୍ ନିଷ୍ପତ୍ତି ନେଇଥିଲା। ଜାତୀୟ ସଙ୍ଗୀତ ଗାନ ବେଳେ ଜୋନାଥନ ପଛପଟେ ହାତ ରଖି ଛିଡ଼ା ହୋଇଥିଲେ। ଅନ୍ୟ ଖେଳାଳିମାନଙ୍କ ଭଳି ସେ ବ୍ଲାକ୍ ଲିଭ୍ସ ମ୍ୟାଟର ଟି-ଶାର୍ଟ ପରିଧାନ କରି ନ ଥିଲେ ବରଂ ସେ ତାଙ୍କ ଟିମ୍ ମ୍ୟାଜିକ୍ର ଜର୍ସି ପିନ୍ଧି ଥିଲେ। ଆଇଜାକ୍ଙ୍କ ଏଭଳି ଆଚରଣରେ ଆଶ୍ଚର୍ଯ୍ୟ ହେବାର ନୁହେଁ। ସେ କାହିଁକି ଛଡ଼ା ହୋଇ ଜାତୀୟ ସଙ୍ଗୀତ ଗାନ କରିବେ ଏହାର କାରଣ ସେ ତାଙ୍କ ଟିମ୍ମେଟ୍ମାନଙ୍କ ନିକଟରେ ପୂର୍ବରୁ ସ୍ପଷ୍ଟ କରି ସାରିଥିଲେ। ଟିମ୍ମେଟମାନଙ୍କର ତାଙ୍କ ପ୍ରତି ସମର୍ଥନ ରହିଥିଲା। ସୂଚନାଯୋଗ୍ୟ, ଜୋନାଥନବିଭିନ୍ନ ଚ୍ୟାରିଟି ସଂସ୍ଥା ଏବଂ ଚର୍ଚ୍ଚ ସହିତ ସମ୍ପୃକ୍ତ ଅଛନ୍ତି ବୋଲି ତାଙ୍କର ଜଣେ ନିକଟ ସମ୍ପର୍କୀୟ ପ୍ରକାଶ କରିଛନ୍ତି।