ନୂଆଦିଲ୍ଲୀ,୨୪।୩: ଭାଜପା ରାଷ୍ଟ୍ରୀୟ ଅଧ୍ୟକ୍ଷ ଜେପି ନଡ୍ଡାଙ୍କ ପତ୍ନୀ ମଲ୍ଲିକା ନଡ୍ଡାଙ୍କ କାର ଚୋରି ହେବାର ଖବର ଆସିଛି। ଡ୍ରାଇଭର ଜୋଗିନ୍ଦରଙ୍କ ଅଭିଯୋଗ ଉପରେ ଏଫଆଇଆର ଦାଖଲ କରାଯାଇଛି। ଡ୍ରାଇଭର ସର୍ଭିସିଂ ପାଇଁ ଦିଲ୍ଲୀର ଗୋବିନ୍ଦପୁରୀକୁ କାର ନେଇ ଯାଇଥିଲେ। ମାର୍ଚ୍ଚ ୧୯ରେ କାରଟି ଚୋରି ହୋଇଥିବା କୁହାଯାଉଛି।
ସୂଚନାନୁସାରେ, କାରଟି ସର୍ଭିସ ଷ୍ଟେଶନରୁ ଚୋରି ହୋଇଥିଲା। ଚୋରି ହୋଇଥିବା କାର ହେଉଛି ଏକ ଧଳା ଫର୍ଚୁନର କାର। ଅଭିଯୋଗ ପାଇବା ପରେ ପୋଲିସ କାର ଖୋଜିବା ଆରମ୍ଭ କରିଛି।
ସୂଚନାଯୋଗ୍ୟ, ନିକଟରେ ଇକୋ ଡିଜିଟାଲ ଇନସୁରାନ୍ସର ‘ଥେପ୍ଟ ଆଣ୍ଡ ଦ ସିଟି ୨୦୨୪’ ରିପୋର୍ଟରେ କୁହାଯାଇଥିଲା ଯେ ଦେଶରେ ଗାଡ଼ି ଚୋରି ମାମଲାରେ ୨୦୨୨ତୁଳନାରେ ୨.୫ ଗୁଣ ବୃଦ୍ଧି ଘଟିଛି ଏବଂ ଦିଲ୍ଲୀ ହେଉଛି ତାଲିକାରେ ଶୀର୍ଷରେ। ରିପୋର୍ଟରେ କୁହାଯାଇଛି ଯେ ଦିଲ୍ଲୀରେ ପ୍ରତି 14୧୪ ମିନିଟରେ ଏକ ଗାଡ଼ି ଚୋରି ହୋଇଥାଏ।