ଜହ୍ନାପଙ୍କ, ୩୧।୧୨ (ଡି.ଏନ.ଏ): ବୌଦ୍ଧ ବ୍ଲକ ଖୁଣ୍ଟବନ୍ଧ ପଞ୍ଚାୟତ ଅନ୍ତର୍ଗତ ଜହ୍ନାପଙ୍କ ମେଡିକାଲ ପଡ଼ିଆରେ ୟୁଥ ସ୍ପୋର୍ଟିଂ ଆନୁକୂଲ୍ୟରେ ଚାଲିଥିବା ୨ୟ ଜେପିଏଲ କ୍ରିକେଟ ପ୍ରତିଯୋଗିତା ଗୁରୁବାର ଫାଇନାଲ ଖେଳ ସହ ଉଦ୍ଯାପିତ ହୋଇଯାଇଛି। ପ୍ରଥମ ସେମିଫାଇନାଲ ଜହ୍ନାପଙ୍କ ଦଳ ଏବଂ ଖୁଣ୍ଟବନ୍ଧ ଦଳ ମଧ୍ୟରେ ହୋଇଥିଲା। ଜହ୍ନାପଙ୍କ ବ୍ୟାଟିଂ କରି ୧୦ ଓଭରରେ ୮ ଉଇକେଟ ହରାଇ ୬୫ ରନ୍ କରିଥିଲା। ଖୁଣ୍ଟବନ୍ଧ ୯.୧ ଓଭରରେ ୩ ଉଇକେଟ ହରାଇ ୬୬ ରନ୍ କରି ଫାଇନାଲରେ ପ୍ରବେଶ କରିଥିଲା। ଦ୍ୱିତୀୟ ସେମିଫାଇନାଲ ବନ୍ଧାପଥର ଓ ତେଲିବନ୍ଧ ମଧ୍ୟରେ ହୋଇଥିଲା। ବନ୍ଧାପଥର ବ୍ୟାଟିଂ କରି ୧୦ ଓଭରରେ ୫ ଉଇକେଟ ହରାଇ ୧୦୧ ରନ୍ କରିଥିଲା। ଜବାବରେ ତେଲିବନ୍ଧ ୧୦ ଓଭରରେ ୩ ଉଇକେଟ ହରାଇ ୯୩ ରନ୍ କରିଥିଲା। ବନ୍ଧାପଥର ୮ ରନ୍ରେ ବିଜୟୀ ହୋଇ ଦ୍ୱିତୀୟ ଦଳ ଭାବେ ଫାଇନାଲରେ ପ୍ରବେଶ କରିଥିଲ। ଅପରାହ୍ନରେ ବନ୍ଧପଥର ଓ ଖୁଣ୍ଟବନ୍ଧ ମଧ୍ୟରେ ଫାଇନାଲ ମ୍ୟାଚ୍ ହୋଇଥିଲା। ବନ୍ଧପଥର ବ୍ୟାଟିଂ କରି ୭.୧ ଓଭରରେ ସମସ୍ତ ଉଇକେଟ ୩୮ ରନ୍ କରିଥିଲା । ଖୁଣ୍ଟବନ୍ଧ ୭.୫ ଓଭରରେ ୩ ଉଇକେଟ ହରାଇ ୪୦ ରନ୍ କରି ୭ ଉଇକେଟରେ ବିଜୟ ହୋଇ ଚାମ୍ପିୟନ ହୋଇଥିଲା। ଖେଳକୁ ଅବନୀ, ପିଣ୍ଟୁ, ବିଭିଷଣ, ବଣ୍ଟି, ଜିପୁନ ହୋତା, ଜଣକ ବାରିକ ପରିଚାଳନା କରିଥିଲେ । ଅବନୀ ବାରିକ ସ୍କୋରର ଦାୟିତ୍ୱ ତୁଲାଇଥିଲେ। ଶାନ୍ତନୁ ଜେନା ଓ ଗାର୍ଗବ ପ୍ରଧାନ ଧାରାବିବରଣୀ ପ୍ରଦାନ କରିଥିଲେ । ପୁରସ୍କାର ବିତରଣୀ ଉତ୍ସବରେ ପ୍ରଫୁଲ୍ଲ କୁମାର ଜେନା ମୁଖ୍ୟଅତିଥି, ସୁଧାଂଶୁଶେଖର ମିଶ୍ର ସମ୍ମାନିତ ଅତିଥି ଭାବେ ଯୋଗଦେଇ ଉପବିଜେତା ଦଳକୁ ଟ୍ରଫି ସହ ୩୩୦୦ ଟଙ୍କା ଓ ଚାମ୍ପିୟନ ଦଳକୁ ଟ୍ରଫି ସହ ୪୪୦୦ ଟଙ୍କା ପୁରସ୍କୃତ କରିଥିଲେ । ପ୍ରଫୁଲ୍ଲ ମ୍ୟାନ ଅଫ୍ ଦି ମ୍ୟାଚ ଓ ସମୀରଙ୍କୁ ମ୍ୟାନ ଅଫ୍ ଦି ସିରିଜ ପ୍ରଦାନ କରାଯାଇଥିଲା।