ନୂଆଦିଲ୍ଲୀ, ୨୬ା୬(ପି.ଟି.)-ଭାରତର ଅଗ୍ରଣୀ ଜୁଡୋକା ସୁଶୀଲା ଦେବୀ କଣ୍ଟିନେଣ୍ଟାଲ କୋଟା ଜରିଆରେ ଟୋକିଓ ଅଲିମ୍ପିକ୍ସ ପାଇଁ ଯୋଗ୍ୟତା ହାସଲ କରିଛନ୍ତି। ଖେଳର ଅନ୍ତର୍ଜାତୀୟ ମହାସଂଘ ତରଫରୁ ଶୁକ୍ରବାର ଏହା ସ୍ପଷ୍ଟ କରାଯାଇଛି। ସୁଶୀଲା ୪୮କେଜି କାଟେଗୋରି ଭାଗ ନେଇଥାନ୍ତି। ସେ ୯୮୯ ପଏଣ୍ଟ ସହ ଏସୀୟ ତାଲିକାରେ ୭ମ ସ୍ଥାନ ଅଧିକାର କରିଥିବା ଅନ୍ତର୍ଜାତୀୟ ଜୁଡୋ ମହାସଂଘ କହିଛି। ମହାଦେଶରେ ଜୁଡୋକାଙ୍କ ର଼୍ୟାଙ୍କିଙ୍ଗଭିତ୍ତିରେ କଣ୍ଟିନେଣ୍ଟାଲ କୋଟା ଦିଆଯାଇଥାଏ। ଅଲିମ୍ପିକ୍ସ ପାଇଁ ଏସିଆରୁ ୧୦କୋଟା ରହିଛି। ୨୬ବର୍ଷୀୟ ସୁଶୀଲା ପ୍ରଥମ ଥର ଅଲିମ୍ପିକ୍ସରେ ଭାଗ ନେବେ। ୨୦୧୬ ରିଓ ଅଲିମ୍ପିକ୍ସରେ ଅବତାର ସିଂ(୯୦କେଜି) ଭାରତର ଏକମାତ୍ର ଜୁଡୋକା ଭାବେ ଅଂଶଗ୍ରହଣ କରିଥିଲେ।