ଟେଲିକମ୍ୟୁନିକେଶନ ଇଣ୍ଡଷ୍ଟ୍ରିଗୁଡ଼ିକ ୫-ଜି ଟେକ୍ନୋଲୋଜି ଆଣିବା ଦୌଡ଼ରେ ସାମିଲ ହୋଇଥିବାବେଳେ ଭାରତରେ ଏହି ନେଟ୍ଓ୍ବର୍କ ବ୍ୟବସ୍ଥା ବିରୋଧରେ ବାହାରିଛନ୍ତି ବଲିଉଡ୍ ଅଭିନେତ୍ରୀ ତଥା ପରିବେଶ କର୍ମୀ ଜୁହି ଚାଓ୍ବଲା। ଏ ନେଇ ସେ ଦିଲ୍ଲୀ ହାଇକୋର୍ଟରେ ଆବେଦନ କରିଛନ୍ତି। ସେ କହିଛନ୍ତି, ତାର ମୁକ୍ତ ଗ୍ୟାଜେଟ୍ ଏବଂ ନେଟ୍ୱର୍କ ସେଲ୍ ଟାୱାରରୁ ଆରଏଫ୍ ବିକିରଣ ସ୍ବାସ୍ଥ୍ୟ ପାଇଁ ଅତ୍ୟନ୍ତ ହାନିକାରକ। ୫-ଜି ନେଟ୍ଓ୍ବର୍କ ଦୌଡ଼ରେ ସାମିଲ ହୋଇଥିବା ଭାରତୀୟ କମ୍ପାନୀଗୁଡ଼ିକ ବର୍ତ୍ତମାନ ଓ ଭବିଷ୍ୟତ ପିଢ଼ିକୁ ବିପଦରେ ପକାଇବାକୁ ଥିବା କାରକକୁ ଅଣଦେଖା କରିପାରନ୍ତି ଯାହା କି ବେଶ୍ ଚିନ୍ତାଜନକ। ଟେକ୍ନୋଲୋଜିର ଅଗ୍ରଗତିରେ ବାଧା ସୃଷ୍ଟି କରିବା ତାଙ୍କର ଲକ୍ଷ୍ୟ ନୁହେଁ। କିନ୍ତୁ ବ୍ୟାପକ ମାତ୍ରାରେ ବିକିରଣ ଯୋଗୁ ପୃଥିବୀର ଜୈବ ବିବିଧତା ପ୍ରଭାବିତ ହେବ।