ମୁମ୍ବାଇ: ବଲିଉଡ୍ର ଶ୍ରେଷ୍ଠ ଅଭିନେତ୍ରୀମାନଙ୍କ ମଧ୍ୟରୁ ଜୁହି ଚାଓ୍ବଲା ଅନ୍ୟତମ। ସେ ତାଙ୍କ ପିକ୍ କ୍ୟାରିୟରରେ ଅନେକ ଫିଲ୍ମ ଦର୍ଶକଙ୍କୁ ଭେଟି ଦେଇଥିଲେ। ଜାଣି ଆଶ୍ଚର୍ଯ୍ୟ ହେବେ ଯେ, ସେ ୯୦ ଦଶକର ଏକ ବ୍ଲକବଷ୍ଟର ଫିଲ୍ମରେ ‘ରାଧା’ ଭୂମିକାରେ ଅଭିନୟ କରିବାକୁ ଚାହୁଁ ନ ଥିଲେ। କାରଣ ସେ ଏହି ନାମରେ ବହୁତ ଡରି ଯାଇଥିଲେ ।
ଜୁହି ବର୍ତ୍ତମାନ ଖୁବ୍ କମ୍ କାମ କରୁଛନ୍ତି। କିନ୍ତୁ ଏକ ସମୟ ଥିଲା ତାଙ୍କ ନାମ ବିଷୟରେ ବହୁତ ଚର୍ଚ୍ଚା ହେଉଥିଲା। ଜୁହି ୧୯୮୬ରେ ଫିଲ୍ମ ‘ସୁଲତାନ’ ସହିତ ତାଙ୍କ କ୍ୟାରିୟର ଆରମ୍ଭ କରିଥିଲେ। ଜୁହି ତାଙ୍କର ୩୭ ବର୍ଷ କ୍ୟାରିୟର ପୂରଣ କରିଛନ୍ତି। ୧୯୯୭ରେ ବ୍ୟବସାୟୀ ଜୟ ମେହେଟ୍ଟାଙ୍କୁ ବିବାହ କରି ବଲିଉଡ୍ରୁ ନିଜକୁ ଦୂରେଇ ରଖିଥିଲେ।
ଫିଲ୍ମ ‘ସୁଲତାନ’ ତାଙ୍କର ପ୍ରଥମ ବ୍ୟବସାୟିକ ସଫଳତା ହାସଲ କରିଥିଲା। ତେବେ ଜୁହିଙ୍କ ଅଭିନୀତ ଫିଲ୍ମ ‘ପ୍ରେମଲୋକ (୧୯୮୭)। ସେ ବର୍ଷର ଲକ୍ସ ନ୍ୟୁ ଫେସ ପାଇଁ ଫିଲ୍ମଫେୟାର ପୁରସ୍କାର ଜିତିଥିଲେ। ‘କୟାମତ୍ ସେ କୟାମତ୍ ତକ୍’‘ଅମର ପ୍ରେମ’ (୧୯୮୯), ‘ବିକି ଦାଦା’ (୧୯୮୯), ‘ଲଭ୍ ଲଭ୍ ଲଭ୍’ରେ ବ୍ୟବସାୟିକ ସଫଳତା ହାସଲ କରିଥିଲେ। ୧୯୯୦ରେ ‘ପ୍ରତିବନ୍ଧ”, ‘ସ୍ବର୍ଗ’ ଆସିଥିଲା। ସେହିପରି ‘ବେନାମ ବାଦଶାହ (୧୯୯୧) ଏବଂ ‘ରାଜୁ ବନ୍ ଗୟା ଜେଣ୍ଟିଲମ୍ୟାନ୍’(୧୯୯୨) ଫିଲ୍ମ ଭେଟି ଦେଇଥିଲେ।
୧୯୯୨ରେ ଜୁହିଙ୍କ ଆଉ ଏକ ଫିଲ୍ମ ‘ବୋଲ୍ ରାଧା ବୋଲ୍’ ମୁକ୍ତିଲାଭ କରିଥିଲା। ଏହି ଫିଲ୍ମରେ ଋଷି କପୁରଙ୍କ ବିପକ୍ଷରେ ନଜର ଆସିଥିଲେ। ଏହି ଫିଲ୍ମରେ ଉଭୟଙ୍କ କେମିଷ୍ଟ୍ରିକୁ ଦର୍ଶକ ପସନ୍ଦ କରିଥିଲେ। ଏହା ସହିତ ଲୋକମାନେ ଫିଲ୍ମର ଗୀତଗୁଡ଼ିକୁ ବହୁତ ପସନ୍ଦ କରିଥିଲେ।
ଫିଲ୍ମ ‘ବୋଲ୍ ରାଧା ବୋଲ୍’ ର ନିର୍ଦ୍ଦେଶନା ଦେଇଥିଲେ ଡେଭିଡ ଧାଓ୍ବନ। ଏହା ଏକ ରୋମାଣ୍ଟିକ, ଅପରାଧ, ଆକ୍ସନ ଫିଲ୍ମ ଯାହା ପ୍ରେକ୍ଷାଳୟରେ ମୁକ୍ତିଲାଭ କରିବା ମାତ୍ରେ ବକ୍ସ ଅଫିସରେ ହିଟ୍ ହୋଇଥିଲା। କିନ୍ତୁ ଖୁବ୍ କମ୍ ଲୋକ ଜାଣନ୍ତି ଯେ, ଏହି ଫିଲ୍ମରେ ଜୁହି ଏବଂ ଋଷିଙ୍କୁ ଦର୍ଶକେ ବହୁତ ପସନ୍ଦ କରିଥିଲେ। ବାସ୍ତବରେ୍ ଜୁହି ସେହି ଫିଲ୍ମ କରିବାକୁ ବହୁତ ଡରୁଥିଲେ। କିନ୍ତୁ ପରେ ଏହି ଫିଲ୍ମ ବ୍ଲକବଷ୍ଟର ହୋଇଥିଲା। ଏହି ଫିଲ୍ମ ୮ କୋଟି ଟଙ୍କା ରୋଜଗାର କରିଥିଲା। ଯାହାକି ସେତେବେଳେ ସର୍ବାଧିକ ଆୟ କରିଥିବା ଫିଲ୍ମ।