ନୂଆଦିଲ୍ଲୀ, ୭।୮ : ଗତ ୧୨୨ ବର୍ଷ ମଧ୍ୟରେ ଜୁଲାଇ ମାସରେ ପୂର୍ବ ଏବଂ ଉତ୍ତର ପୂର୍ବ ଭାରତରେ ସବୁଠାର ଅଧିକ ତାତି ଥିଲା। ଏହି ଅବଧିରେ, ଏସବୁ ଅଞ୍ଚଳରେ କମ ବର୍ଷା ମଧ୍ୟ ରେକର୍ଡ କରାଯାଇଥିଲା। ହାରାହାରି ସର୍ବାଧିକ ତାପମାତ୍ରା ୩୩.୩୭ ଡିଗ୍ରୀ ସେଲସିୟସ ଥିଲା, ଯାହା ସାଧାରଣ ଠାରୁ ୨.୩୦ ଡିଗ୍ରୀ ଅଧିକ। ଏହି କାରଣରୁ ଲୋକଙ୍କୁ ବହୁ ଅସୁବିଧାର ସମ୍ମୁଖୀନ ହେବାକୁ ପଡିଥିଲା। ଭାରତୀୟ ପାଣିପାଗ ବିଭାଗ (ଆଇଏମଡି)ର ମାସିକ ଜଳବାୟୁ ରିପୋର୍ଟରେ ଏହା ପ୍ରକାଶ ପାଇଛି। ରିପୋର୍ଟ ଅନୁଯାୟୀ, ଜୁଲାଇରେ ଏସବୁ ଅଞ୍ଚଳର ହାରାହାରି ତାପମାତ୍ରା ୨୯.୫୭ ଡିଗ୍ରୀ ସେଲସିୟସରେ ରହିଥିଲା ଯାହା ସ୍ବାଭାବିକଠାରୁ ୧.୬୪ ଡିଗ୍ରୀ ଅଧିକ ଥିଲା।
୧୯୦୧ ପରଠାରୁ ଉତ୍ତର-ପଶ୍ଚିମ ଭାରତର ହାରାହାରି ସର୍ବନିମ୍ନ ତାପମାତ୍ରା ତୃତୀୟ ଥର ପାଇଁ ସର୍ବାଧିକ ଥିଲ। ଗତ ମାସରେ, ଉତ୍ତର-ପଶ୍ଚିମ ଭାରତର ସର୍ବନିମ୍ନ ତାପମାତ୍ରା ୨୩.୫୬ ଡିଗ୍ରୀ ସେଲସିୟସ ତୁଳନାରେ ୨୪.୩ ଡିଗ୍ରୀ ସେଲସିୟସ ଥିଲା। ଏଭଳି ପରିସ୍ଥିତିରେ ଏହା ସ୍ପଷ୍ଟ ଯେ ଭଲ ବର୍ଷା ପରେ ମଧ୍ୟ ଜୁଲାଇ ମାସର ତାପମାତ୍ରାରେ ଯଥେଷ୍ଟ ବୃଦ୍ଧି ଘଟିଛି।
ଆଇଏମଡି ରିପୋର୍ଟ ଅନୁଯାୟୀ, ଜୁଲାଇରେ ପୂର୍ବ ଏବଂ ଉତ୍ତର ପୂର୍ବ ଭାରତରେ ଏଭଳି ଉତ୍ତାପ ଆସାମ ଏବଂ ମେଘାଳୟ ଜୁନ ମାସରେ ୧୨୨ବର୍ଷ ମଧ୍ୟରେ ୮୫୮.୧ ମିଲିମିଟର ରେକର୍ଡ ବୃଷ୍ଟିପାତ ରେକର୍ଡ କରିବା ପରେ ମଧ୍ୟ ଆସିଛି। ୧୯୬୬ ରେ ରେକର୍ଡ ହୋଇଥିବା ୭୮୯.୫ ମିଲିମିଟର ପୂର୍ବ ରେକର୍ଡ ତୁଳନାରେ ଉଭୟ ରାଜ୍ୟରେ ବର୍ଷା ଅଧିକ ହୋଇଛି। ଜୁଲାଇରେ ଏଠାରେ ହାରାହାରି ସର୍ବାଧିକ ତାପମାତ୍ରା ୩୩.୭୫ ଡିଗ୍ରୀ ସେଲସିୟସ ଥିଲା। ଯାହା ସାଧାରଣ ଠାରୁ ୨.୩୦ ଡିଗ୍ରୀ ଅଧିକ। ସେହିପରି ହାରାହାରି ସର୍ବନିମ୍ନ ତାପମାତ୍ରା ୨୫.୪୦ ଡିଗ୍ରୀ ସେଲସିୟସ ଥିଲା, ଯାହା ସାଧାରଣ ଠାରୁ ୦.୯୯ ଡିଗ୍ରୀ ଅଧିକ ଥିଲା।
ଜୁଲାଇରେ ସମଗ୍ର ଦେଶରେ ୩୨୭.୭ ମିଲିମିଟର ବର୍ଷା ହୋଇଥିଲା, ଯାହା ଦୀର୍ଘ ସମୟର ହାରାହାରି ଠାରୁ ୧୭ ପ୍ରତିଶତ ଅଧିକ। ୨୦୦୧ ପରେ ଏହା ହେଉଛି ଦ୍ୱିତୀୟ ସର୍ବାଧିକ ବର୍ଷା । ଏହା ପୂର୍ବରୁ ୨୦୦୫ ରେ ଏଭଳି ଘଟିଥିଲା। ଏଥି ସହିତ, ୧୯୦୧ ଏବଂ ୧୯୬୧ ବର୍ଷ ପରେ ଦକ୍ଷିଣ ଉପଦ୍ୱୀପରେ ଦ୍ୱିତୀୟ ସର୍ବାଧିକ ବର୍ଷା ହୋଇଛି ।
ସେହିପରି,୧୯୪୪, ୧୯୩୨, ୧୯୪୨ ଏବଂ ୧୯୫୬ ଏବଂ ୧୯୦୧ ପରଠାରୁ କେନ୍ଦ୍ରୀୟ ଭାରତରେ ପଞ୍ଚମ ସର୍ବାଧିକ ବର୍ଷା ହୋଇଛି। ଏହି ଅବଧି ମଧ୍ୟରେ ପୌଡ଼ି, ପଠାନକୋଟ, ଶ୍ରୀନଗର ଏବଂ ଭିଲୱାରା ସମେତ ୧୨ ଟି ପାଣିପାଗ ବିଭାଗ ପକ୍ଷରୁ ସର୍ବାଧିକ ବର୍ଷା ରେକର୍ଡ କରାଯାଇଛି। ପାଣିପାଗ ବିଭାଗର ଏହି ରିପୋର୍ଟରେ ଜୁଲାଇରେ ଅସମାନ ବର୍ଷା ଶୈଳୀ ପ୍ରସଙ୍ଗ ସାମ୍ନାକୁ ଆସିଛି।
ଏହା ପୂର୍ବ ଏବଂ ଉତ୍ତର ପୂର୍ବ ଭାରତର ଧାନ ଉତ୍ପାଦନ ଅଞ୍ଚଳକୁ ପ୍ରଭାବିତ କରିଛି। ଦକ୍ଷିଣ-ପଶ୍ଚିମ ମୌସୁମୀରେ ଅତ୍ୟଧିକ ଅସମାନ ବର୍ଷା ଯୋଗୁ ଧାନ ଏବଂ ଅନ୍ୟାନ୍ୟ ଫସଲର ଚାଷ ଉପରେ ପ୍ରଭାବ ପଡ଼ିଛି। ବିଶେଷ କରି ଉତ୍ତରପ୍ରଦେଶ, ବିହାର, ଝାଡଖଣ୍ଡ ଏବଂ ପଶ୍ଚିମବଙ୍ଗର ଗାଙ୍ଗେଟିକ ସମତଳ ଅଞ୍ଚଳ ଏହା ଯୋଗୁ ଅଧିକ ପ୍ରଭାବିତ ହୋଇଛି। ତେବେ ଜୁନ ୧ ରୁ ଏହି ଅଞ୍ଚଳରେ ମୌସୁମୀ ବର୍ଷା ସ୍ବାଭାବିକଠାରୁ ୮ ପ୍ରତିଶତ ଅଧିକ ଥିଲା।