ଖଇରା, ୨୪।୬(ଡି.ଏନ.ଏ.)-ବାଲେଶ୍ୱର ଜିଲା ଖଇରା ବ୍ଲକ ଅଧୀନ ବର୍ତ୍ତନା ଅଞ୍ଚଳକୁ ଖାଦ୍ୟ ଅନ୍ବେଷଣରେ ଏକ ଦନ୍ତା ପଶି ଆସିଥିବା ବେଳେ ବନବିଭାଗ ଉଦ୍ୟମରେ ତାକୁ ପ୍ରଥମେ ବଣିଆପଙ୍କ ଓ ପରେ ହଦଗଡ ଜଙ୍ଗଲକୁ ଘଉଡାଇ ଦିଆଯାଇଛି ା ହାତୀଟି ରାତିରେ ଗଣିଜାଙ୍ଗ ସନ୍ଧାଡ ଅଞ୍ଚଳ ଦେଇ ବର୍ତ୍ତନା ଗ୍ରାମର କରୁଣାକର ପାଣିଗ୍ରାହୀଙ୍କ ବାଡି ଭିତରେ ପ୍ରବେଶ କରିଥିଲା ା ପରେ କୁପାରୀ ଫରେଷ୍ଟର ସୌମ୍ୟରଞ୍ଜନ ମାଝି ଓ ଗାର୍ଡ ସଞ୍ଜୟ କୁମାର ମହାନ୍ତି ସବୁଜ ବାହିନୀ ସଦସ୍ୟଙ୍କ ସହାୟତାରେ ତାକୁ ବୁଧବାର ସକାଳେ ପ୍ରଥମେ ବଣିଆପଙ୍କ ଜଙ୍ଗଲକୁ ଘଉଡାଇ ଦେଇଥିଲେ। ସନ୍ଧ୍ୟାରେ କେନ୍ଦୁଝର ବନ କର୍ମଚାରୀଙ୍କ ପ୍ରଚେଷ୍ଟାରେ ହଦଗଡ ଜଙ୍ଗଲକୁ ବାହୁଡି ଯାଇଥିବାର ଜଣା ଯାଇଛି ା