ପ୍ରତ୍ୟେକ ଦିନ ସୋସିଆଲ ମିଡିଆରେ କିଛି ନା କିଛି ନୂତନ ଭିଡିଓ ଏବଂ ଫଟୋ ଭାଇରାଲ ହେଉଛି। ସେଥିରୁ କେତେକ ଭିଡିଓ ଏବଂ ଫଟୋ ହସର ଖୋରାକ ଯୋଗାଉଥିବା ବେଳେ କେତେକ ଭାବପ୍ରବଣ କରିଦିଏ। ସେହିଭଳି ଟୁଇଟରରେ ଏବେ ଏକ ଭିଡିଓ ଭାଇରାଲ ହେବାରେ ଲାଗିଛି। ପ୍ରାୟତଃ ପକ୍ଷୀମାନେ ପାଣିରୁ ମାଛକୁ ଟେକି ନେଇଥାନ୍ତି। ହେଲେ ଏହି ଭିଡିଓରେ ମାଛ ପକ୍ଷୀକୁ ଝାମ୍ପି ନେଉଥିବା ଦେଖିବାକୁ ମିଳୁଛି। ପକ୍ଷୀଟିଏ ନୀଳ ସମୁଦ୍ରରେ ଉଡ଼ୁଥିବା ବେଳେ ହଠାତ ପାଣିରୁ ଏକ ଡଲ୍ଫିନ୍ ଆସି ତାକୁ ଝାମ୍ପି ନେଉଛି। ଭିଡିଓକୁ ଭାରତୀୟ ବନସେବା ଅଧିକାରୀ ସୁଶାନ୍ତ ନନ୍ଦ ତାଙ୍କ ଟୁଇଟରରେ ଶେୟାର କରିଛନ୍ତି। ଭିଡିଓଟି ଅଧିକ ଭାଇରାଲ ହେବାରେ ଲାଗିଛି।